యంగ్ టైగర్ ఎన్టీఆర్ సుకుమార్ దర్శకత్వంలో చేస్తున్న సినిమా ‘నాన్నకు ప్రేమతో’.. స్పెయిన్ షూటింగ్ జరుపుకుంటున్న ఈ సినిమా అసలైతే సంక్రాతికి విడుదల చేయాలని అనుకున్నా అది సాధ్యం అయ్యే పని కాదని అనిపిస్తుంది. చిత్ర యూనిట్ స్పెయిన్ షూటింగ్ ముగించే సరికే ఈ నెల చివర వరకు పట్టేట్టు ఉంది. సినిమా షూటింగ్ పూర్తి చేసి మరళ పోస్ట్ ప్రొడక్షన్ కార్యక్రమాలు చేయించాలి.
అయితే ఈ మధ్యలోనే సినిమా ఆడియో వేడుక కూడా జరపాల్సి ఉంది. మరి ఇవన్ని చూస్తుంటే సినిమా సంక్రాంతి రేసులో నిలవడం కష్టమే అనిపిస్తుంది. ఇప్పటికే సంక్రాతికి బాలయ్య డిక్టేటర్, నాగార్జున సోగ్గాడే చిన్న నాయన సినిమాలు విడుదలకు సిద్ధమయ్యాయి. అయితే వారితో పోటీగా ఈ సినిమా వస్తుందా లేదా అన్నది ఇంకా తెలియాల్సి ఉంది.
రకుల్ ప్రీత్ సింగ్ హీరోయిన్ గా నటిస్తున్న ఈ సినిమాను శ్రీ వెంకటేశ్వర సిని క్రియేషన్స్ పతాకంలో బి.వి.ఎస్.ఎన్ ప్రసాద్ నిర్మిస్తున్నారు. రాక్ స్టార్ దేవి శ్రీ ప్రసాద్ సంగీరం అందిస్తున్న ఈ సినిమాలో ఎన్టీఆర్ ఓ కొత్త పాత్రలో దర్శనమిస్తున్నాడు.
