ఈ నెల 13న విడుదలయ్యి సంచలనాలు సృష్టిస్తున్న యంగ్ టైగర్ నాన్నకు ప్రేమతో సినిమాలోని టైటిల్ సాంగ్ విడుదల చేశారు చిత్ర యూనిట్. ఈ కార్యక్రమంలో ఎన్.టి.ఆర్, దర్శకుడు సుకుమార్, హీరోయిన్ రకుల్, సంగీత దర్శకుడు దేవి శ్రీ ప్రసాద్, సినిమాలో నాన్న పాత్ర వేసిన రాజేంద్ర ప్రసాద్ ఇంకా కెమెరా మెన్ విజయ్ చక్రవర్తి పాల్గొన్నారు.
సినిమా విడుదలైన అన్ని చోట్ల బాగుందని మెచ్చుకుంటున్నారని.. ఎన్.టి.ఆర్ నటనకు అందరు తమ కనుల చెమ్మగిల్లులతో రెస్పాన్స్ అందిస్తున్నారని చిత్ర యూనిట్ అన్నారు. సినిమాలో నటించడం గొప్ప అనుభూతని.. ఇలాంటి సినిమాలో నాన్నగా నటించడం నా అదృష్టం అని అన్నారు రాజేంద్ర ప్రసాద్. తారక్ లేకపోతే ఈ సినిమాలేదు.. ఇలాంటి సినిమాలు చేయాలంటే తారక్ లాంటి హీరోనే కావాలంటూ నాన్నకు ప్రేమతో అంటే తారక్, తారక్ అంటే నాన్నకు ప్రేమతో అని అన్నాడు దర్శకుడు సుకుమార్.
ఇక సినిమాలో క్లైమాక్స్ లో వచ్చే ఏ కష్టమెదురొచ్చినా.. నాన్నకు ప్రేమతో అంటూ సాగే టైటిల్ సాంగ్ నిన్న విడుదల చేశారు. చిత్రానికి వస్తున్న స్పందన తనను ఎంతగానో కదిలించిందని.. ఈ చిత్ర విజయానికి సహకరించిన తన అభిమానులకు, ప్రేక్షకులకు, మీడియా మిత్రులకు శిరస్సు వంచి పాదాభివందనం చేస్తున్నా అంటూ తారక్ ఎమోషనల్ ప్రసంగం అందరిని ఆకట్టుకుంది.
