అత‌నో అగ్ర ద‌ర్శ‌కుడు. ఓ అమ్మాయిని ప్రేమించి పెళ్లి చేసుకుంటాడు. కానీ స‌డ‌న్‌గా ఆ అమ్మాయిని ఎవ‌రో చంపేస్తారు. ఆ నేరం ద‌ర్శ‌కుడిపై ప‌డుతుంది. ఈ కేసు ఓ మోస్ట్ ఇంటిలిజెంట్ క్రిమిన‌ల్ లాయ‌ర్ చేతికి వెళ్తుంది. అక్క‌డి నుంచి ద‌ర్శ‌కుడికీ, లాయ‌ర్‌కీ మ‌ధ్య ‘నువ్వా..? నేనా?’ అనే పోటీ మొద‌ల‌వుతుంది. ఆ తరవాత ఏం జ‌రిగిందో తెలియాలంటే ‘ఆట‌గాళ్లు’ సినిమా చూడాలి. ఈ ట్రైల‌ర్ చూస్తుంటే క‌థ ఇలానే సాగిందేమో అనిపిస్తోంది. క‌థేంటో చూచాయిగా చెప్పేసిన ద‌ర్శ‌కుడు ప‌రుచూరి ముర‌ళి… థియేట‌ర్‌కి వ‌చ్చే ప్రేక్ష‌కుల్ని ముందే సిద్ధం చేసేశాడు. జ‌గ‌ప‌తిబాబు, నారా రోహిత్ ప్ర‌ధాన పాత్ర‌లు పోషించారు. వాళ్లిద్ద‌రి మ‌ధ్యే టామ్ అండ్ జ‌ర్రీ గేమ్ న‌డుస్తోంది. ఓ మ‌ర్డ‌ర్ మిస్ట‌రీ, దాంట్లో ఉన్న స‌స్పెన్స్‌, వాటిని ఛేదించే క్ర‌మంలో వ‌చ్చే ట్విస్టులూ.. ఇదే ‘ఆట‌గాళ్లు’ క‌థ‌. ట్రైల‌ర్ చూస్తుంటే.. సస్పెన్స్ థ్రిల్ల‌ర్ ని ఇష్ట‌ప‌డే ప్రేక్ష‌కుల‌కు క‌చ్చితంగా నచ్చేట్టే క‌నిపిస్తోంది. మ‌రి.. సినిమా ఎలా ఉంటుందో చూడాలి.