నందమూరి సపోర్ట్ తో నారా వారి ఫ్యామిలీ నుండి సోలోగా వచ్చిన హీరో నారా రోహిత్. బాణం అంటూ సీరియస్ గా వచ్చి సోలోగా సింపుల్ హిట్ కొట్టిన నారా రోహిత్.. వరుసెంట క్రేజీ సినిమాలు చేస్తూ వస్తున్నాడు. అయితే ఇన్నాళ్లు ఒక వర్గం ప్రేక్షకులను మాత్రమే ఎంటర్టైన్ చేస్తూ వచ్చిన రోహిత్ ఇప్పుడు అందరు ప్రేక్షకులు ఇంప్రెస్ అయ్యేలా కామెడీ జానర్ లో సినిమాలు ప్రయత్నిస్తున్నాడు. రీసెంట్ గా సావిత్రి అంటూ వచ్చి ప్రేక్షకుల మనసు గెలుచుకున్న ఈ హీరో అవకాశం వస్తే బాలయ్యతో నటించేందుకు తాను సిద్ధమే అని అంటున్నాడు. కథ నచ్చితే బాలయ్యతో చేసేందుకు ఎప్పుడు రెడీనే అంటున్నాడు రోహిత్.
బాలయ్యకు పెద్ద ఫ్యాన్ అయిన నారా రోహిత్ తన సినిమాలు చూస్తూ పెరిగానని తన కెరియర్ కు బాలయ్య సపోర్ట్ ఎంతగానో ఉందని అన్నాడు. ఇక ప్రత్యక్ష రాజకీయాల్లోకి వచ్చే ఆలోచన లేదంటూ కేవలం పెదనాన్న అడుగుజాడల్లో నడవడమే అని చెప్పుకొచ్చాడు. తన రీసెంట్ సినిమా సావిత్రి సినిమా విజయవాడ ఓ థియేటర్ లో ప్రేక్షకుల మధ్యలో చూసిన రోహిత్ పై విధంగా స్పందించడం జరిగింది. ఇక సినిమాకు ప్రేక్షకుల దగ్గర నుండి వస్తున్న విశేష స్పందన చూసి చిత్రయూనిట్ సంతోషంగా ఉన్నారు.
