వెంకటేశ్‌ చేసిన రీమేక్ ‘నారప్ప’. తమిళ క్లాసిక్ ‘అసురన్‌’ రీమేక్‌గా రూపొందిన ఈ సినిమా కరోనా పరిస్థితుల నేపథ్యంలో ఓటీటీ బాట పట్టింది. తెలుగు నేటివిటీ తగ్గట్టు కొన్ని మార్పులు చేసిన తీసిన ఈ సినిమా ఓటీటీ ఆడియన్స్ ని బాగానే ఆకట్టుకుంది. ధనుష్ యాక్టింగ్ తో కొన్ని పోలికలు వచ్చినా మొత్తానికి వెంకటేష్ తన అనుభవంతో కథకు న్యాయం చేశారనే ప్రసంశ అందుకున్నారు. అయితే ఇప్పుడీ సినిమా థియేటర్స్ లో విడుదలౌతుంది.
వెంకటేష్ బర్త్ డే కానుకగా డిసెంబర్13న ‘నారప్ప’ చిత్రాన్ని రెండు తెలుగు రాష్ట్రాల థియేటర్స్ లో విడుదల చేస్తున్నారు. ‘నారప్ప’ ని బిగ్ స్క్రీన్ పై చూడాలని ఆశపడ్డారు అభిమానులు. ‘నారప్ప’ థియేటర్స్ విడుదల కాకపోవడంతో నిరాశ చెందారు. ఇప్పుడు ‘నారప్ప’ని థియేటర్స్ లోకి తీసుకొస్తున్నారు. ఈ మధ్య చాలా సినిమాలని రీరిలీజ్ చేస్తున్నారు. అయితే నారప్ప మాత్రం ఓటీటీలో విడుదలైయింది. ఓటీటీలో విడుదలై సినిమాని థియేటర్స్ లో విడుదల చేయడం ఇదే తొలిసారి కావడం విశేషం.
