కోలీవుడ్ లో సూపర్ క్రేజ్ మీదున్న నయనతార టాలీవుడ్ సినిమాలను మాత్రం కాస్త లెక్క చేయట్లేదనే పరిస్థితి కనబడుతుంది. అయితే ఇక్కడ సినిమాలకు సైన్ చేయకుండా అక్కడ ఎంత విజృంభించినా ఓకే కాని తెలుగులో ఓ సినిమా కమిట్ అయ్యి ఆ సినిమా షూటింగ్ కు తన వల్ల డిస్ట్రబ్ అయ్యేలా చేస్తుంది నయన్. ప్రస్తుతం సెట్స్ మీదున్న వెంకటేష్ ‘బాబు బంగారం’లో కథానాయికగా నయనతార ఎంపిక జరిగింది. సినిమా ఇప్పటివరకు హీరోయిన్ లేకుండా ఉన్న సీన్స్ అన్ని పూర్తి చేశారట.
అయితే ఇప్పుడు ఈ సినిమా షూటింగ్ లో నయన్ పాల్గొనాల్సి ఉన్నా బాబు బంగారం సినిమాకు టైం కేటాయించే తీరిక లేకుండా పోయింది నయనతారకు. అసలే భలే భలే మగాడివోయ్ సినిమా హిట్ జోష్ లో ఉన్న మారుతి విక్టరీ వెంకటేష్ కు ఎన్నాళ్లనుంచో ఎదురు చూస్తున్న భారీ హిట్ ఇస్తాడనే నమ్ముతున్నారు వెంకీ అభిమానులు. కోలీవుడ్ లో వరుస విజయాలతో కనీసం వేరే సినిమాలకు టైం కూడా కేటాయించని పరిస్థితుల్లో ఉంది నయనతార.
కేవలం తన వల్ల సినిమా ఆగిపోతుంది అన్న విషయాన్ని నయనతార గమనించి సినిమా షూట్ లో పాల్గొంటే బెటర్. లేదంటే సినిమా అనుకున్న టైంకు రిలీజ్ అవడం కష్టం. లక్ష్మి, తులసి లాంటి మంచి విజయాలను అందుకున్న వెంకటేష్, నయనతార పెయిర్ ఈ సినిమాతో హ్యాట్రిక్ హిట్ కొడుతుందా లేదో చూడాలి.
