ఉయ్యాల‌వాడ న‌రసింహారెడ్డి లో క‌థానాయిక‌గా న‌య‌న‌తార పేరు దాదాపుగా ఖ‌రారైపోయింది. ఈ సినిమా కోసం న‌య‌న పేరుని ఎప్ప‌టి నుంచో ప‌రిశీలిస్తున్నారు. కానీ… న‌య‌న డేట్లు, పారితోషికం, త‌ను పెట్టే ష‌ర‌తుల్ని దృష్టిలో ఉంచుకొని న‌య‌న‌ను సంప్ర‌దించ‌లేదు. పైగా చిరు కోసం ఎప్పుడు న‌య‌న‌తార‌ని సంప్ర‌దించినా ‘ఖాళీ లేదు’ అనే స‌మాధాన‌మే వినిపించేది. అందుకే… న‌య‌న పేరు ప‌క్క‌న పెట్టారు. అయితే అనూహ్యంగా న‌య‌న మ‌ళ్లీ రేసులోకి వ‌చ్చింది. ఉయ్యాల‌వాడ టీమ్ న‌య‌న‌ను క‌ల‌వ‌డం, త‌ను ఓకే చెప్పేయ‌డం జ‌రిగిపోయాయి.

అయితే… ఉయ్యాల‌వాడ‌లో ఐశ్వ‌ర్య‌రాయ్ ని క‌థానాయిక‌గా ఎంచుకొనే అవ‌కాశాలున్నాయ‌ని ముందు నుంచీ వార్త‌లొస్తున్నాయి. మ‌రి ఐష్ మాటేంటి? అని అడిగితే.. ఓ ఆస‌క్తిక‌ర‌మైన విష‌యం తెలిసింది. ఈ సినిమాలో మ‌రో క‌థానాయిక‌కూ ఛాన్స్ ఉంద‌ట‌. ఆ పాత్ర ఐశ్వ‌ర్య‌కే ద‌క్కే ఛాన్సుంద‌ని స‌మాచారం. ఉయ్యాల వాడ న‌ర‌సింహారెడ్డి జీవితం క‌థ‌లో ఇద్ద‌రు స్త్రీల‌ది ప్ర‌ధాన పాత్ర‌. వాటిలో న‌య‌న‌, ఐష్ క‌నిపిస్తార‌ని తెలుస్తోంది. సో.. ఉయ్యాల వాడ న‌ర‌సింహారెడ్డి క‌థానాయిక‌ల అన్వేష‌ణ ఇక్క‌డితో ముగిసిన‌ట్టే.