బాల‌య్య మంచి స్పీడుమీదున్నాడు. త‌న 105వ సినిమాని చ‌క చ‌క పూర్తి చేస్తున్నాడు. న‌వంబ‌ర్ నాటిక‌ల్లా ఫ‌స్ట్ కాపీ రెడీ చేయాల‌న్న‌ది బాల‌య్య ప్లాన్‌. ఆ త‌ర‌వాత బోయ‌పాటి సినిమా సెట్స్‌పైకి తీసుకెళ్లాలి. 105వ సినిమాకి సంబంధించి ఇప్ప‌టికే ప్ర‌మోష‌న్లు కూడా మొద‌లెట్టేశారు. ఇందులో బాలయ్య గెట‌ప్‌ని రివీల్ చేసేశారు. ఈరోజు మ‌రో లుక్ బ‌య‌ట‌కు వ‌చ్చింది.

ఈ సినిమాలో బాల‌య్య పాత్ర రెండు పార్శ్వాలలో క‌నిపించబోతోంది. యంగ్ లుక్ ఇప్ప‌టికే బ‌య‌ట‌కు వ‌చ్చింది. అది కాక మ‌రో లుక్ ఉంది. అది ఎలా ఉంటుందా?  అని అభిమానులు ఆస‌క్తిగా ఎదురుచూస్తున్నారు. ఆ లుక్‌లో బాల‌య్య మ‌రింత కొత్త‌గా క‌నిపించ‌బోతున్నాడ‌ని తెలుస్తోంది. బాల‌య్య‌కు లుక్స్ అంటే పిచ్చి. త‌న సినిమాల్లో రెండు మూడు గెట‌ప్పులు ఉంటాయి. రెండో గెట‌ప్‌లో బాల‌య్య ఓ సాధార‌ణ వ్య‌క్తిలా క‌నిపించ‌బోతున్నాడ‌ని, ఈ క‌థ‌లో ఎమోష‌న్ పార్ట్ అంతా ఆ లుక్‌పైనే సాగ‌బోతోంద‌ని టాక్‌. ఈ సినిమా టైటిల్ ఏమిట‌న్న‌ది ఇప్ప‌టి వ‌ర‌కూ చెప్ప‌లేదు. `రూల‌ర్‌` అనే పేరు మాత్రం చ‌ర్చ‌ల్లో ఉంది.