ఎట్ట‌కేల‌కు నంద‌మూరి బాల‌కృష్ణ సినిమా మొద‌లైంది. ఈరోజు ఎలాంటి హ‌డావుడి లేకుండా క్లాప్ కొట్టేశారు. కె.ఎస్‌.ర‌వికుమార్ ద‌ర్శ‌క‌త్వంలో, సి.క‌ల్యాణ్‌కి బాల‌య్య ఓసినిమా ఓచేస్తాన‌ని మాట ఇచ్చాడు. క‌థంతా రెడీ అయ్యాక‌.. ప‌రిస్థితులు మారిపోయాయి. ఏపీలో రాజ‌కీయం మారింది. అధికారం చేతులు మారింది. అప్ప‌టి ప‌రిస్థితుల్ని బ‌ట్టి అల్లుకున్న క‌థ‌… పక్క‌న పెట్టాల్సివ‌చ్చింది. ఈ త‌రుణంలో బాల‌య్య – కె.ఎస్.ర‌వికుమార్ సినిమా ఉంటుందా? లేదా? అనే అనుమానాలు తలెత్తాయి. అయితే అప్ప‌టిక‌ప్పుడు ప‌రుచూరి ముర‌ళిని రంగంలోకి దింపి – కొత్త క‌థ రాయించారు. ఇప్పుడు ఆ క‌థే ఫైన‌ల్ అయ్యింది. కాంబో ఫిక్స‌య్యింది.

క‌థ మారినా బాల‌య్య టీమ్ మార‌లేదు. ఇది వ‌ర‌కు `రూల‌ర్‌`కి ఎవ‌రినైతే అనుకున్నారో, చివ‌రికి వాళ్లే ఫిక్స‌య్యారు. సాంకేతిక వ‌ర్గం మొత్తం అదే. `రూల‌ర్‌` సినిమా కోసం క‌థానాయిక‌లుగా ఎవ‌రి పేర్ల‌యితే ప‌రిశీలించారో, ఇప్పుడు వాళ్లే ఈ కొత్త సినిమాలోనూ ఫైన‌ల్ అవ్వ‌బోతున్నారు. `క్రాంతి` అనే మ‌రో పేరు అనుకుంటున్నా, బాల‌య్య కు మాత్రం `రూల‌ర్‌`పైనే మ‌క్కువ ఉంద‌ట‌. `రూల‌ర్‌` అనేది రాజ‌కీయాల‌కే ప‌రిమితం కాదని, క్యారెక్ట‌రైజేష‌న్‌ని బ‌ట్టి ఈ పేరు కూడా వాడొచ్చ‌ని చెబుతున్నాడ‌ట‌. కాక‌పోతే టైటిల్ ఇంకా ఫైన‌ల్ కాలేదు. వ‌చ్చే నెల‌లో రెగ్యుల‌ర్ షూటింగ్ ప్రారంభం కాబోతోంది.