నందమూరి బాలకృష్ణ, దర్శకుడు బాబీ కాంబినేషన్‌లో ఓ సినిమా సిద్ధమవుతోన్న విషయం తెలిసిందే. బాలయ్యకు ఇది 109వ చిత్రం. ఇప్పటికే ఊటీలో ఒక భారీ యాక్షన్‌ షెడ్యూల్‌ పూర్తి చేశారు. మహాశివరాత్రి సందర్భంగా ఈ రోజు గ్లింప్స్ ని విడుదల చేశారు. పవర్ ఫుల్ యాక్షన్ సీక్వెన్స్ తో డిజైన్ చేసిన ఈ గ్లింప్స్ అదరగొట్టింది. ముఖ్యంగా బాలయ్య చెప్పిన డైలాగ్ ఫ్యాన్స్ కి పండగే.

”ఏంట్రా వార్ డిక్లేర్ చేస్తున్నావా ? అని ఓ రౌడీ అంటే.. ” సింహం నక్కల మీదకి వస్తే వార్ అవ్వదురా లఫూట్… ఇట్స్ కాల్డ్ హంటింగ్” అని బాలయ్య బదులిచ్చిన తీరు మాస్ ని వీర లెవల్లో చూపించింది. టీజర్ లో బాలయ్య లుక్, యాక్షన్ వావ్ అనిపించింది. బాబీ ఎదో గట్టిగానే ప్లాన్ చేశారని టీజర్ చూస్తే అర్ధమౌతుంది. తమన్ ఇచ్చిన బీజీఎం పవర్ ప్యాక్డ్ గా వుంది. నాగవంశీ నిర్మిస్తున్న ఈ సినిమా టైటిల్ ని కూడా త్వరలోనే ప్రకటించబోతున్నారు. ప్రస్తుతానికైతే గ్లింప్స్ తో పర్ఫెక్ట్ శివరాత్రి గిఫ్ట్ వచ్చేసినట్లే.