మెగా కాంపౌండ్‌పై త‌న‌కున్న మ‌మ‌కారాన్ని చాటుకుంటూనే ఉన్నాడు సుకుమార్‌. ఆర్య‌,ఆర్య 2, రంగ‌స్థ‌లం… ఇవ‌న్నీమెగా హీరోల‌తో చేసిన‌వే. 100 % ల‌వ్ కూడా మెగా కాంపౌండ్‌లోనే తీశాడు. ఇప్పుడు వైష్ణ‌వ్ తేజ్‌తో సుకుమార్ రైటింగ్స్ బ్యాన‌ర్‌పై ఓ సినిమా తీస్తున్నాడు. ఆ సినిమా ఈమ‌ధ్యే ప‌ట్టాలెక్కింది. ఈలోగా నిహారిక కోసం ఓ క‌థ సిద్థం చేశాడు. ఈ సినిమాకి సుకుమార్ శిష్యుడు ద‌ర్శ‌కుడిగా ప‌నిచేస్తాడు. క‌థ‌, స్క్రీన్‌ప్లే, మాట‌లు… ఇవ‌న్నీ సుకుమార్ అందించ‌నున్నాడు. అంతేకాదు.. ఈ సినిమాని నిర్మాణ భాగ‌స్వామిగానూ వ్య‌వ‌హ‌రించ‌బోతున్న‌ట్టు టాక్‌. గీతా ఆర్ట్స్‌, అంజ‌నా ప్రొడ‌క్ష‌న్స్ లలో ఓ సంస్థ ఈ చిత్రాన్ని నిర్మించ‌నుంది. దానికి సుకుమార్ పార్ట‌న‌ర్‌గా ఉంటాడ‌న్న‌మాట‌. ద‌ర్శ‌కుడిగా త‌దుప‌రి సినిమా ఇంకా తేల‌లేదు గానీ, నిర్మాత‌గా మాత్రం సుకుమార్ య‌మ బిజీ అయిపోతున్నాడు. మున్ముందు సుకుమార్ నుంచి ఇంకెన్ని సినిమాలు ప‌ట్టాలెక్కుతాయో చూడాలి.