హ్యాపీడేస్ తో తెరంగేట్రం చేశాడు నిఖిల్‌. త్వ‌ర‌లోనే సోలో హీరోగా నిల‌బ‌డ్డాడు. స్వామి రారా, కార్తికేయ లాంటి చిత్రాల‌తో త‌న‌దైన గుర్తింపు తెచ్చుకున్నాడు. ఇప్పుడు…20 సినిమాల మైలు రాయికి చేరువ‌య్యాడు. నిఖిల్ 20 వ సినిమాకి సంబంధించిన స‌న్నాహాలు మొద‌లైపోయాయి. ఈ చిత్రాన్ని నారాయ‌ణ్ దాస్‌, పుష్క‌ర్ రామ్ నిర్మాత‌లుగా వ్య‌వ‌హ‌రిస్తున్నారు. ద‌ర్శ‌కుడు ఎవ‌ర‌న్న‌ది త్వ‌ర‌లో ప్ర‌క‌టిస్తారు. నిఖిల్ కెరీర్‌లోనే అత్య‌ధిక బ‌డ్జెట్ తో ఈ చిత్రాన్ని తెర‌కెక్కిస్తున్నామ‌ని, నిఖిల్ కి ఇది మైలు రాయి లాంటి చిత్రం అవుతుంద‌ని నిర్మాత‌లు చెబుతున్నారు. ప్ర‌స్తుతం 18 పేజీస్‌, కార్తికేయ 2 చిత్రాల‌తో బిజీగా ఉన్నాడు నిఖిల్‌.