ప‌వ‌న్ క‌ల్యాణ్ ఫ్యాన్స్ అలెర్ట్ అవుతున్నారు. వ‌ర్మ తీస్తున్న వ్యంగ్యాస్త్రానికి ధీటుగా ఆయుధాలు స‌మ‌కూర్చుకుంటున్నారు. ప‌వ‌న్‌ని కీర్తిస్తూ – ప‌రోక్షంగా, ప్ర‌త్య‌క్షంగా వ‌ర్మ‌ని తిడుతూ రెచ్చిపోతున్నారు. కొంత‌మంది అయితే ఏకంగా సినిమాలే తీస్తున్నారు. ప్ర‌స్తుతం ఇండ్ర‌స్ట్రీ రెండు ర‌కాల సినిమాల‌పైనే ఫోక‌స్ చేస్తున్న విధంగా త‌యారైంది. ఒక‌టి వ‌ర్మ తీస్తున్న సినిమాలు. రెండోది వ‌ర్మ‌పై తీస్తున్న సినిమాలు. ప‌వ‌న్ పై `ప‌వ‌ర్ స్టార్‌` అనే సినిమా తీస్తున్నాడు వ‌ర్మ‌. దానికి ధీటుగా `ఆర్జీవీ`, `ప‌రాన్న‌జీవి`, `పార్న్ స్టార్` అనే సినిమాలు తెర‌కెక్కుతున్నాయి. ఈ నేప‌థ్యంలోనే ప‌వ‌న్ అభిమానులు సోష‌ల్ మీడియా వేదిక‌గా వ‌ర్మ‌పై రెచ్చిపోతున్నారు.

తాజాగా నిఖిల్ ఓ ట్వీట్ చేశాడు. అది మ‌రింత ఆస‌క్తిని రేకెత్తిస్తోంది. `శిఖ‌రాన్ని చూసి కుక్క ఎంత మొరిగినా ఆ శిఖ‌రం త‌ల‌తిప్పి చూడ‌దు. మీకు అర్థ‌మైందిగా` అంటూ ట్వీట్ చేశాడు. ప‌వ‌ర్ స్టార్‌, ప‌వ‌న్ క‌ల్యాణ్ అనే హ్యాష్ ట్యాగ్ ని, ప‌వ‌న్ జిప్ ఫైల్ నీ జోడించాడు. దాంతో ఈ ట్వీట్ ఎవ‌రిపైనో ఈజీగా అర్థ‌మైపోయింది ప‌వ‌న్ అభిమానులు. ఆ శిఖ‌రం పేరు ప‌వ‌న్ అయితే ఆ కుక్క ఎవ‌రన్న‌ది ఈజీగా అర్థ‌మైపోతుంది. ఓ సినీ క‌థానాయ‌కుడు ప‌వ‌న్‌పై ప్ర‌త్య‌క్షంగా మ‌రొక‌రిపై ప‌రోక్షంగా కామెంట్లు చేయ‌డం ఈమ‌ధ్య ఇదే ప్ర‌ధ‌మం. సినిమా సెల‌బ్రెటీల్లో ప‌వ‌న్ అభిమానులు, భ‌క్తులూ చాలామందే ఉన్నారు. వాళ్లంతా ఇప్పుడు నిఖిల్ లానే రియాక్ట్ అవుతారా? లేదంటే కామ్ గా ఉంటారా? అనేది ఆస‌క్తిని రేకెత్తిస్తోంది. మొత్తానికి ప‌వ‌న్ ఫ్యాన్స్‌లో ఓ క‌ద‌లిక అయితే వ‌చ్చింది. అది ఏమేర ఉధృతం అవుతుందో చూడాలి.