నితిన్ బండి స్పీడుగా ఉంది. వ‌రుస‌గా సినిమాలు ఒప్పుకుంటున్నాడు. ‘రంగ్ దే’ విడుద‌ల‌కు సిద్ధ‌మ‌వుతోంది. చంద్ర‌శేఖ‌ర్ ఏలేటి సినిమా ‘చెక్‌’ కొంత మేర షూటింగ్ జ‌రుపుకుంది. ‘ప‌వ‌ర్ పేట’ నీ ఓకే చేశాడు.చైత‌న్య కృష్ణ ఈ చిత్రానికి ద‌ర్శ‌కుడు. ఇందులో మ‌రో క‌థానాయ‌కుడికీ చోటు ద‌క్కింది. స‌త్య‌దేవ్ ఈ చిత్రంలో ఓ కీల‌క‌మైన పాత్ర పోషిస్తున్నాడు. స‌త్య‌దేవ్ పాత్ర నితిన్‌తో పాటు స‌మానంగా ఉంటుంద‌ని, ఈ క‌థ‌ని మ‌లుపు తిప్ప‌డంలో కీల‌కం అవుతుంద‌ని తెలుస్తోంది. రావు ర‌మేష్ కి సైతం ఓ వైవిధ్య‌భ‌రిత‌మైన పాత్ర ల‌భించింద‌ట‌. క‌థానాయిక కోసం అన్వేష‌ణ జ‌రుగుతోంది. కీర్తి సురేష్‌ని ఎంచుకునే అవ‌కాశం ఉంద‌ని స‌మాచారం. నితిన్ `రంగ్ దే`లో కీర్తినే క‌థానాయిక‌. ఆ జంట‌నే…మ‌రోసారి రిపీట్ చేయొచ్చ‌ని టాలీవుడ్ టాక్‌.