పెళ్లి .. జీవితంలో అతి ముఖ్య‌మైన ఘ‌ట్టం. పెళ్లి ప‌నులు మొద‌లైతే – మ‌రే విష‌యాల్నీ ప‌ట్టించుకోం. సినిమా వాళ్ల‌యితే.. షూటింగులు – కొత్త క‌థ‌లు బంద్ చేస్తారు. కానీ నితిన్ మాత్రం పెళ్లి ప‌నుల్లో ఉన్నా – డ‌బ్బింగ్ కి స‌మ‌యం కేటాయించాల్సివ‌చ్చింది. నితిన్ క‌థానాయ‌కుడిగా న‌టిస్తున్న చిత్రం `రంగ్ దే`. నితిన్ పెళ్లి ప‌నుల్లో ఉన్న‌ప్పుడు కూడా ఈ సినిమాకి డ‌బ్బింగ్ చెప్పించారు ద‌ర్శ‌కుడు. “పెళ్లి ప‌నుల్లో ఉన్నా వ‌ద‌ల‌కుండా.. న‌న్ను టార్చ‌ర్ పెట్టి, డ‌బ్బింగ్ చెప్పించారు. ఇదంతా అభిమానుల కోస‌మే. మా టీమ్ నుంచి ఓ చిన్న గిఫ్ట్ వ‌స్తుంది.. టీజ‌ర్ రూపంలో“ అని చెప్పుకొచ్చాడు నితిన్‌. పెళ్లి ప‌నుల్లో ఉన్నా- క‌మిట్ మెంట్ చూపించిన నితిన్ కి హ్యాట్సాఫ్ చెప్పాడు ద‌ర్శ‌కుడు వెంకీ అట్లూరి. ఈ రోజు సాయింత్రం 4 గంట‌ల‌కు రంగ్ దే టీజ‌ర్ విడుద‌ల కానుంది.