కెరియర్లో ఎన్నో ఎత్తుపలాలను చూసిన నితిన్ ఇష్క్ తో మళ్లీ హిట్ ట్రాక్ ఎక్కాడు. ఇక ఆ సినిమా వెంటనే వచ్చిన గుండెజారి గల్లతయ్యిందే సినిమా కూడా సూపర్ హిట్ అవ్వడంతో ఇక మరోసారి నితిన్ స్టార్ క్రేజ్ సంపాదించాడు. అయితే మళ్లీ చిన్నదానా నీకోసం, కొరియర్ బోయ్ కళ్యాణ్ లతో వెనుక పడ్డ నితిన్ మరోసారి తన సత్తా చాటాలనుకుంటున్నాడు. అందుకే నితిన్ లాంటి టాలెంటెడ్ డైరక్టర్ త్రివిక్రమ్ తో ‘అఆ’ అంటూ క్యూట్ లవ్ అండ్ ఫ్యామిలీ ఎంటర్టైనర్ తో వస్తున్నాడు.
ఇక ఈ సినిమా తర్వాత మరో హిట్ కాంబినేషన్ లో సినిమా షురూ చేశాడు నితిన్. గుండెజారి గల్లతయ్యిందే సినిమాతో తనకు హిట్ ఇచ్చిన విజయ్ కుమార్ కొండాతో మరోసారి కలిసి పనిచేస్తున్నాడు నితిన్. సినిమా మొదటి సినిమా సీక్వల్ గా కాకపోయినా ఇదో సరికొత్త లవ్ స్టోరీతో రాబోతుందట. రీసెంట్ గా కథా చర్చలు ముగించుకున్న ఈ సినిమా జూన్ మొదటి వారంలో స్టార్ట్ అవుతుందని ఫిల్మ్ నగర్ టాక్. సినిమాలో హీరోయిన్ గా శృతి హాసన్ ను తీసుకున్నట్టు సమాచారం. అయితే హీరోయిన్ విషయంలో నితిన్ కాస్త చొరవ చూపించి శృతి కోసం పట్టుపట్టాడట. సుధాకర్ రెడ్డి నిర్మిస్తున్నే ఎ సినిమా మిగత కాస్ట్ అండ్ క్రూ త్వరలో వెళ్లడిస్తారు.
