నితిన్ బండి స్పీడందుకొంది. ఓ సినిమా సెట్స్‌పై ఉండ‌గానే మ‌రో రెండు మూడు సినిమాల్ని కూడా చ‌క్క‌బెట్టుకొంటున్నాడు. అఆ విడుద‌ల‌కు సిద్ధమ‌వుతోంది. ఈలోగా గుండెజారి గ‌ల్లంత‌య్యిందే సీక్వెల్‌కు రంగం సిద్ధం చేసుకొంటున్నాడు. కొండా విజ‌య్‌కుమార్ ద‌ర్శ‌క‌త్వం వ‌హిస్తారు. ఈలోగా నితిన్ కోసం మ‌రిన్ని క‌థ‌లు సిద్ధ‌మ‌వుతున్నాయి. నందినిరెడ్డి కూడా ఓ స్ర్కిప్టు రాసుకొని నితిన్‌డేట్ల కోసం ఎదురు చూస్తోంద‌ని స‌మాచారం. ఇప్పుడు సంపత్ నంది కూడా రంగంలోకి దిగాడ‌ట.
బెంగాల్ టైగ‌ర్ తో మెప్పించాడు సంప‌త్‌నంది. ఆ త‌ర‌వాత రామ్‌చ‌ర‌ణ్ తో సినిమా చేయాల‌ని తెగ ప్ర‌య‌త్నిస్తున్నాడు. చ‌ర‌ణ్‌ప్ర‌స్తుతం త‌ని ఒరువ‌న్ రీమేక్‌లో బిజీగా ఉన్నాడు. ఈలోగా నితిన్ సినిమా ఓకే చేయించుకొందామ‌నుకొంటున్నాడ‌ట సంపత్. మరి అటు నందిని, ఇటు సంత‌ప్ ఇద్ద‌రిలో నితిన్ ఎవ‌రికి ఛాన్సిస్తాడో చూడాలి.
