నితిన్ హీరోగా రెండు సినిమాలు ప్లానింగ్ లో వున్నాయి. ఒకటి సితార ఎంటర్ టైన్ మెంట్స్ లో వెంకీ కుడుమల డైరక్షన్ లో. రెండవది గీతా 2లో సూర్యప్రతాప్ డైరక్షన్ లో. అయితే లేటెస్ట్ సమాచారం ప్రకాంరం గీతా 2లో వుండాల్సిన సూర్యప్రతాప్ ప్రాజెక్టు చేతులు మారే అవకాశం వుందని తెలుస్తోంది.
వాస్తవానికి సుకుమార్ శిష్యుడు, కుమారి 21 ఎఫ్ దర్శకుడు సూర్యప్రతాప్ మరో సినిమా చేయాలని ఎప్పటి నుంచో ప్రయత్నిస్తున్నారు. రాజ్ తరుణ్ తో సినిమా అనుకున్నారు చాన్నాళ్లు. కానీ అది జరగలేదు. నితిన్ తో గీతా 2లో సినిమా పక్కా అనుకున్నారు.
కానీ ఎందుకో అది ఇప్పుడు అక్కడ జరిగే సూచనలు కనిపించడం లేదు. కానీ సినిమాను సుకమార్ మాత్రం వదలడం లేదు. తను స్వంతగా నిర్మించాలా? లేక వేరే నిర్మాత ఎవరికైనా అప్పగించాలా? అని ఆలోచిస్తున్నట్లు తెలుస్తోంది. గీతా 2తో సినిమా వుంటుందా? వుండదా? అన్నది ఒకటి రెండు తేలిపోతుంది. ఆ తరువాత సినిమా ఏ బ్యానర్ లో వుంటుందన్నది తేలిపోయింది.
బహుశా సుకుమార్ రైటింగ్స్ సినిమా ఓకటి చేస్తున్న శరత్ మరార్ కే ఈ రెండో సినిమా కూడా చేసే అవకాశం ఇస్తారు అని కూడా టాక్ వినిపిస్తోంది. ఇదిలా వుంటే నితిన్ వెంకీ కుడుముల సినిమా మార్చిలో ప్రారంభమవుతుందని తెలుస్తోంది.
