అ.ఆ తో త‌న రేంజ్‌ని మ‌రింత పెంచుకొన్నాడు నితిన్. ఈ సినిమా రూ.50 కోట్ల క్ల‌బ్‌లో చేర‌డంతో నితిన్ స్టార్ మారింది. అప్ప‌టికే వ‌రుస విజ‌యాల‌తో జోరుమీదున్న నితిన్.. తాజా హిట్‌తో త‌న కెరీర్‌లో మ‌రింత స్ట్రాంగ్ జోన్‌లోకి ఎంట‌ర‌య్యాడు. అందుకే నితిన్ కోసం నిర్మాత‌లు క్యూ క‌డుతున్నారు. ద‌ర్శ‌కులు క‌థ‌లు రెడీ చేసుకొంటున్నారు. ఇప్ప‌టికే సంప‌త్‌నంది, నందినిరెడ్డి నితిన్ కోసం క‌థ‌లు రెడీచేశారు. విక్ర‌మ్ కె.కుమార్ త్వ‌ర‌లో నితిన్ తో ఓ సినిమా చేయ‌బోతున్న‌ట్టు టాక్‌. విజ‌య్ కుమార్ కొండా క‌థ ఆల్మోస్ట్ రెడీ అయ్యింది. ఇప్పుడు సురేంద‌ర్ రెడ్డి కూడా జాయిన్ అయ్యాడ‌ట.
ప్ర‌స్తుతం రామ్‌చ‌ర‌ణ్ తో ధృవ సినిమా టేక‌ప్ చేస్తున్నాడు సురేంద‌ర్ రెడ్డి. ఆ త‌ర‌వాత నితిన్ తో సినిమా చేయ‌డానికి స‌న్న‌ద్ధం అవుతున్నాడ‌ని టాక్‌. వ‌రుస‌గా ల‌వ్ స్టోరీలు చేస్తూ వ‌స్తున్న నితిన్.. మ‌రో సారి యాక్ష‌న్ అంశాలున్న‌క‌థ‌ల్ని చేయాల‌ని తాప‌త్ర‌య‌పడుతున్నాడు. అలాంటి క‌థ‌ల్ని తెర‌కెక్కించ‌డంలో సురేంద‌ర్ రెడ్డి సిద్ద‌హ‌స్తుడు. అందుకే ఈ కాంబినేష‌న్ సెట్ట‌య్యింద‌ని టాక్‌. ఈ చిత్రాన్ని నితిన్ త‌న సొంత బ్యాన‌ర్లోనే తెర‌కెక్కిస్తాడ‌ట.
