దిల్ అనగానే అందరికి దిల్ రాజు గుర్తొచ్చేస్తాడు.. అవును దిల్ రాజు మొదటి సినిమా దిల్.. ఆ సినిమాతోనే అప్పటిదాకా డిస్ట్రిబ్యూటర్ గా ఉన్న రాజు నిర్మాతగా మారాడు. ఇక మొదటి సినిమా హిట్ కొట్టేసరికి ఆ సినిమా టైటిలే తన స్క్రీన్ నేం అయ్యింది. అయితే తేజ జయం సినిమాతో ఎంట్రీ ఇచ్చి సూపర్ హిట్ కొట్టిన నితిన్ కు దిల్ సినిమా మరో సూపర్ హిట్ అయ్యింది. రెండు బ్యాక్ టు బ్యాక్ హిట్స్ తో నితిన్ కెరియర్ సూపర్ క్రేజ్ తెచ్చుకుంది. నితిన్ తండ్రి సుధాకర్ రెడ్డి నిర్మాత కావడం చేత నితిన్ కు అలా కలిసివచ్చింది. అయితే రోజులు మారాయి దాదాపు నితిన్ 14 సినిమాల దాకా విజయం కోసం పోరాటం జరిపాడు.. ఎట్టకేలకు మళ్లీ ఇష్క్ సినిమాతో హిట్ అందుకున్నాడనుకోండి..

అయితే మరోసారి నితిన్ కెరియర్ తీవ్ర సంకోచంలో పడింది. లవర్ బోయ్ ఇమేజ్ ఉన్నా ఎలాంటి సినిమాలు తీయాలో.. తనని ప్రేక్షకులు ఎలాన్ చూడాలనుకుంటున్నాడో ఓ క్లారిటీ రాలేదు ఈ హీరోకి. అందుకే చివరగా వచ్చిన చిన్నదానా నీకోసం, కొరియర్ బోయ్ కళ్యాన్ దెబ్బేసేసరికి మళ్లీ ఆలోచనలో పడ్డాడు. తన కెరియర్ లో దిల్ తో మంచి కిక్ హిట్ ఇచ్చిన దర్శకుడు వినాయక్ తో ఓ సినిమా ప్లాన్ చేస్తున్నాడట నితిన్.

లాస్ట్ ఇయర్ వినాయక్ డైరక్షన్లో అఖిల్ డెబ్యూ సినిమా నితిన్ నిర్మించాడు. అయితే ఆ సినిమా ఇద్దరికి తీవ్ర నిరాశ కలిగించినా మరోసారి ఇద్దరు కలిసి మంచి మాస్ హిట్ కొట్టాలని చూస్తున్నారు. ప్రస్తుతం వినాయక్ చిరంజీవి 150వ సినిమాను డైరెక్ట్ చేస్తున్న సంగతి తెలిసిందే. ఇక నితిన్ త్రివిక్రం శ్రీనివాస్ దర్శకత్వంలో అ..ఆ సినిమా చేస్తున్నాడు. మరి దిల్ కాంబోలో రాబోయే సినిమా ఎలాంటి ఫలితాన్ని ఇస్తుందో చూడాలి.