నిత్యా మీనన్ తెలుగులో చేసిన తక్కువ సినిమాలతోనే సౌందర్యలాంటి ఇమేజ్ ను సొంతం చేసుకున్న ఈ అమ్మడు వచ్చింది కేరళ నుండి అయినా తనకు సూపర్ హిట్స్ ఇచ్చిన తెలుగు సినిమాలంటే భలే ఇష్టం.. ఇక ఆ ప్రేమతోనే తెలుగు సినిమాలంటే కాస్త ఎక్కువ ఇంట్రెస్ట్ చూపిస్తుంది. ప్రస్తుతం కుర్ర హీరోలతోనే కాదు స్టార్ హీరోల సరసన కూడా నటిస్తూ బిజీగా ఉన్న నిత్య తెలుగు ప్రేక్షకుల కోసం మరోసారి తన గాత్ర మాధుర్యాన్ని పంచుతుంది.
అలా మొదలైంది సినిమాలో మొదటిసారి తన సింగింగ్ టాలెంట్ ను బయట పెట్టిన నిత్య ఇప్పుడు మరోసారి అలాంటి ప్రయత్నమే చేస్తుంది. అది కూడా ఓ ప్రెస్టిజియస్ ప్రాజెక్ట్ లో నిత్యా ఈ ప్రయోగం చేసింది. ఇంతకీ నిత్యా పాడిన పాట ఏ సినిమాలో తెలుసా.. విలక్షణ నటుడు సూర్య త్రిపాత్రాభినయం చేస్తున్న ’24’ సినిమాలోనట. అంతేకాదు కేవలం తెలుగు ప్రేక్షకుల కోసమే నిత్యా చేత పాట పాడించారట దర్శక నిర్మాతలు. విక్రం కుమార్ దర్శకత్వంలో వస్తున్న ఈ సినిమా తెలుగు తమిళ భాషల్లో రిలీజ్ అవుతుంది.
టైం మిషన్ నేపథ్యంతో సాగే కథతో రాబోతున్న ఈ సినిమా మే నెలలో రిలీజ్ చేసేందుకు సన్నాహాలు చేస్తున్నారు. స్టూడియో గ్రీన్, సూర్య 2డి ఎంటర్టైన్మెంట్స్ బ్యానర్ లో నిర్మిస్తున్న ఈ సినిమాను తెలుగులో హీరో నితిన్ శ్రేష్ట్ మూవీస్ ద్వారా రిలీజ్ చేస్తున్నారు. ఇప్పటికే సినిమా ట్రైలర్, టీజర్ సినిమా మీద భారీ అంచనాలు ఏర్పడేలా చేసింది. మరి సినిమా ఎన్ని సంచలనాలకు దారి తీస్తుందో చూడాలి.
