సావిత్రి, ఎన్టీఆర్ బ‌యోపిక్‌లానే… ‘ఏఎన్నార్‌’ బ‌యోపిక్ రాబోతోంద‌ని, నాగార్జున ఆ ఏర్పాట్ల‌లో త‌ల‌మున‌క‌లై ఉన్నార‌ని టాలీవుడ్‌లో ఓ వార్త చ‌క్క‌ర్లు కొడుతోంది. దీనిపై నాగార్జున క్లారిటీ ఇచ్చారు. బ‌యోపిక్ చేసే ఆలోచ‌న లేద‌ని తేల్చి చెప్పారు. ”నాన్న‌గారి జీవితం చాలా సుఖంగా సాగిపోయింది. అన్నీ ఎత్తులే. ప‌ల్లాల్లేవు. సినిమాకి స‌రిప‌డా డ్రామా ఆ క‌థ‌లో లేదు. ఈ సినిమాతో కొత్త‌గా ఏం చెప్ప‌లేం. అందుకే ఆ క‌థ సినిమాగా ప‌నికిరాదు. ఎవ‌రైనా నాన్న‌గారి బ‌యెపిక్ తీస్తాన‌ని ముందుకొస్తే.. ‘ఏముంద‌ని తీస్తారు’ అని అడుగుతాను. నాన్న‌గారి క‌థ‌ని సినిమాగా తీయ‌లేం గానీ, పుస్త‌కంగా వ‌స్తే బాగుంటుంది” అన్నారు నాగ్‌. పనిలో ప‌నిగా `మ‌హాన‌టి` బ‌యోపిక్ గురించి ప్ర‌స్తావించారు. ”మ‌హాన‌టి చూశా. చాలా బాగుంది. నాన్న‌గారి పాత్ర‌లో చైని చూస్తే ముచ్చ‌టేసింది. నాన్న‌గారిలా ఉన్నాడ‌ని కాదు, ఎందుకో ఎమోష‌న‌ల్‌గా బాగా క‌నెక్ట్ అయ్యా” అన్నాడు నాగ్‌. సో.. ఏఎఎన్నార్ బ‌యోపిక్‌పై వ‌స్తున్న వార్త‌ల‌న్నీ కేవ‌లం ఊహాగానాలే అన్న‌మాట.
అక్కినేని బ‌యోపిక్ లేదు: నాగార్జున క్లారిటీ
