ఈ యేడాది వాల్తేరు వీర‌య్య‌గా వ‌చ్చి సంద‌డి చేశాడు చిరంజీవి. చిరు కెరీర్‌లోనే ఇది బిగ్గెస్ట్ క‌మ‌ర్షియ‌ల్ హిట్. 2024 సంక్రాంతికీ చిరు క‌ర్చీఫ్ వేయాల‌ని చూశాడు. చిరంజీవి – క‌ల్యాణ్ కృష్ణ‌ల సినిమాని… 2024 సంక్రాంతికి విడుదల చేయాల‌ని ప్లాన్‌. కానీ ఇప్పుడు ఈ సినిమా సంక్రాంతికి రావ‌డం లేదు. ఎందుకంటే క‌థ ఇంకా పూర్తి స్థాయిలో సిద్ధం కాలేదు. చిరు చెప్పిన మార్పులూ, చేర్పుల‌తో చిత్ర బృందం త‌ర్జ‌న భ‌ర్జ‌న‌లు ప‌డుతోంది. పైగా చిరు ఇటీవ‌లే మోకాలి ఆప‌రేష‌న్ చేయించుకొన్నారు. దాంతో షూటింగ్ కూడా ఆల‌స్యం అవుతోంది. ఈనెల‌లో.. చిరు సినిమా ప‌ట్టాలెక్క‌డం క‌ష్టం. అక్టోబ‌రు చివ‌ర్లో… క‌ల్యాణ్ కృష్ణ సినిమా ప్రారంభం అవుతుంది. 2024 వేస‌వికి గాకీ.. విడుద‌ల అయ్యే ఛాన్స్ లేదు. మ‌రోవైపు వ‌శిష్ట సినిమా కూడా స‌మాంత‌రంగా మొద‌లెట్టే ఛాన్స్ ఉంది. రెండు సినిమాలూ ఒకేసారి జ‌రుగుతున్న‌ప్పుడు… క‌ల్యాణ్ కృష్ణ సినిమాకి బ‌ల్క్‌గా డేట్లు ఇవ్వ‌డం క‌ష్టం. అందుకే చిరు సినిమా సంక్రాంతి బ‌రి నుంచి త‌ప్పుకొంది.