గ్లామ‌ర్ భామ‌ల‌కే తెలుగు చిత్ర‌సీమ‌లో చోటు… అంటుంటారు. అదేంటో… కొంత‌మంది గ్లామ‌ర్ విష‌యంలో విచ్చ‌ల విడిగా అడ్వాన్స్ అయిపోతున్నా… వాళ్ల‌ను ఏమాత్రం ప‌ట్టించుకోరు. ప్ర‌ణీత‌నే తీసుకోండి. అందాల ప్ర‌ద‌ర్శ‌న విష‌యంలో ఏమాత్రం మొహ‌మాట ప‌డ‌దు. తెర‌పై ఎలా క‌నిపించాల‌న్నా.. రెడీనే. చిట్టిపొట్టి డ్ర‌సులిచ్చినా వేసుకోవ‌డానికి ముందుకొస్తుంది. అలాంటి ప్ర‌ణీత‌కు తెలుగులో స్థానం ఏది? చేతిలో అత్తారింటికి దారేది లాంటి సూప‌ర్ డూప‌ర్ హిట్టుంది. ప‌వ‌న్ , ఎన్టీఆర్‌ల‌తో చేసిన క్రేజ్ ఉంది. అయినా స‌రే ఈ అమ్మ‌డికి ఎవ్వ‌రూ ప‌ట్టించుకోవ‌డం లేదు. ఈ విష‌యంలోనే ప్ర‌ణీత తెగ ఫీల‌యిపోతోంద‌ట.
తాజాగా మ‌హేష్ బాబు సినిమా బ్ర‌హ్మోత్స‌వంలో న‌టిస్తోంది. ఇందులోనూ ప్ర‌ణీత‌కు అంతంత‌మాత్రంగానే ప్రాధాన్యం ఉంద‌ట. ఈ సినిమా కూడా వ‌చ్చి వెళ్లిపోతే… ఇక ప్ర‌ణీత టోట‌ల్ గా ఖాళీనే. ”తెలుగులో నా అవ‌కాశాలేం మూసుకుపోలేదు. నాకంటూ కొన్ని సినిమాలు వ‌స్తున్నాయి. అయితే రెండో నాయిక పాత్ర‌లే ఎక్కువ. అవి ఎంత కాలం చేసినా.. నాకంటూ ఓ గుర్తింపు రాదు. అందుకే నో అంటున్నా” అంటోంది. మ‌రి బ్ర‌హ్మోత్స‌వం ఎందుకు ఒప్పుకొన్న‌టో? అని అడిగితే.. ”మ‌హేష్ కోస‌మే ఈ సినిమా చేస్తున్నా. నేను ఆయ‌న‌కు వీరాభిమాని” అంటోంది. ఏహీరో ప‌క్క‌న చేసినా హీరోయిన్లు ఇదే మాట అంటారుగా. అందులో కొత్తేముంది?
