రాంగోపాల్ వ‌ర్మ పేల్చ‌బోతున్న బాంబు `ప‌వ‌ర్ స్టార్‌`. ఓటీటీ వేదిక‌గా వ‌ర్మ ఇది వ‌ర‌కు ప‌లు సినిమాల్ని వ‌దిలాడు. దేనికీ రాని క్రేజు.. `ప‌వ‌ర్ స్టార్‌`కి వ‌చ్చింది. ఈ సినిమా స్పెషాలిటీ గురించి ప్ర‌త్యేకించి చెప్పాల్సిన ప‌ని లేదు. ప‌వ‌న్ క‌ల్యాణ్‌ని ధ్యేయ‌గా వ‌ర్మ ఈ సినిమా రూపొందిస్తున్నాడ‌న్న‌ది సుస్ప‌ష్టం. పోస్ట‌ర్లు, టైటిలూ.. వాటితో వ‌ర్మ చేస్తున్న హ‌డావుడి.. చూసిన వాళ్ల‌కెవ‌రికైనా ఈ విష‌యం ఇట్టే అర్థ‌మైపోతుంది. కానీ.. వ‌ర్మ మాత్రం `ఇది ప‌వ‌న్ క‌థ ఎంత‌మాత్రం కాదు` అనే స్తున్నాడు.

అయితే ప‌వ‌న్ ఫ్యాన్స్ మాత్రం వ‌ర్మ‌ని వ‌ద‌ల‌డం లేదు. సోష‌ల్ మీడియాలో.. దీనిపై చ‌ర్చ జ‌రుగుతూనే ఉంది. అయితే.. ప‌వ‌న్ క‌ల్యాణ్ మాత్రం ఈ సినిమాపై గానీ, పోస్ట‌ర్ల‌పై గానీ, వాటి చుట్టూ జ‌రుగుతున్న త‌తంగం గురించి గానీ నోరు మెద‌ప‌డం లేదు. కొంత‌మంది ప‌వ‌న్ స‌న్నిహితులు వ‌ర్మ సినిమా గురించి ప‌వ‌న్ ద‌గ్గ‌ర ప్ర‌స్తావించిన‌ట్టు తెలుస్తోంది. కానీ ప‌వ‌న్ మాత్రం ఏమాత్రం స్పందించ లేద‌ట‌. ప‌వ‌న్ వ్య‌వ‌హార శైలి చూస్తుంటే, వ‌ర్మ‌ని లైట్ తీసుకున్న‌ట్టే క‌నిపిస్తోంది. ప‌వ‌న్ గురించి ఎవ‌రైనా ఏమైనా అంటే విరుచుకుప‌డిపోయే నాగ‌బాబు సైతం… ఈ సినిమా విష‌యంలో ఏమాత్రం నోరు మెద‌ప‌డం లేదు. బ‌హుశా.. అది ప‌వ‌న్ స్ట్రిక్ట్ ఆర్డర్స్ కావొచ్చు.

వ‌ర్మ మాత్రం ఈసినిమాపై ప‌వ‌న్ స్పందిస్తే బాగుంటుంది అని కాచుకుని కూర్చున్నాడు. కార‌ణం…. తెలిసిన‌దే. వవ‌న్ ఈ సినిమా గురించి ఏమైనా మాట్లాడితే, దీనికి మ‌రింత మైలేజీ వ‌స్తుంది. ప‌వ‌న్ ఫ్యాన్స్ మ‌రింత రెచ్చిపోయి – ఈ సినిమాకి ఫ్రీ ప‌బ్లిసిటీ చేసి పెడ‌తారు. వ‌ర్మ దాని గురించే ఎదురు చూస్తున్నాడిప్పుడు. కానీ.. ప‌వ‌న్ మాత్రం వ‌ర్మ‌కి ఆ ఛాన్స్ ఇవ్వ‌కుండా సైలెంగా ఉండిపోయాడు. విడుద‌ల వ‌ర‌కూ ఇలానే ఓపిక ప‌డితే – ఆ త‌ర‌వాత సినిమాలో ఎలాంటి విష‌య‌మూ లేద‌ని తేలిపోతుంది. ఆ త‌ర‌వాత జ‌నం కూడా మ‌ర్చిపోతారు. ప‌వ‌న్ ఆలోచ‌న ఇదే అయ్యుంటుంది. మ‌రి ఈ నిగ్ర‌హం.. చివ‌రి వ‌ర‌కూ ఉంటుందా? లేదంటే ప‌వ‌న్ మ‌ధ్య‌లోనే బ్లాస్ట్ అవుతాడా అనేది చూడాలి.