ఇంద్రగంటి మోహన కృష్ణ డైరక్షన్ లో నాని-సుధీర్ కుమార్ కాంబినేషన్ సినిమా ఒకటి షూట్ స్టార్ట్ కావాల్సి వుంది. ఈ సినిమాలో నాని పాత్ర మీద చాలా గ్యాసిప్ లు వున్నాయి. గెస్ట్ రోల్ అని, నెగిటివ్ షేడ్ వుంటుందని ఇలా. అయితే నాని క్యారెక్టర్ మరీ గెస్ట్ రోల్ కాదు అని తెలుస్తోంది.
ఈ సినిమాలో నాని క్యారెక్టర్ కు ముందుగానే పెళ్లయిపోతుంది. ఆ పాత్ర విశ్రాంతికి కాస్త ముందుగా స్క్రీన్ మీదకు ఎంటర్ అవుతుంది. విశ్రాంతి తరువాత సెంకండాప్ లో అలా అలా కనిపిస్తూనే వుంటుంది. ఇంకో ఇంట్రెస్టింగ్ అప్ డేట్ ఏమిటంటే, ఈ సినిమాలో నాని మీద ఒక పాట కూడా వుండదు.
దర్శకుడు ఇంద్రగంటి కచ్చితంగా స్క్రిప్ట్ కు అంటిపెట్టుకునే వెళ్తారు. హీరోలకు అనుగుణంగా మార్చరు. అందుకే ఈ సినిమాలో నానిని తీసుకున్నా, స్క్రిప్ట్ మేరకు పాట లేకుండానే ప్లాన్ చేస్తున్నట్లు తెలుస్తోంది. నాని కూడా అంతే వైవిధ్యమైన పాత్రల కోసం చూస్తారు. మిగిలినన్నీ తరువాతే.
మొత్తం మీద ఇంద్రగంటి సినిమాలో నానిని డిఫరెంట్ గా చూడబోతున్నామన్న మాట.
