టాలీవుడ్ ఆస‌క్తిగా ఎదురుచూస్తున్న మరో క్రేజీ ప్రాజెక్టు #RRR. ఇటీవ‌లే బ‌ల్గేరియాలో ఓ షెడ్యూల్ పూర్తి చేసుకుంది. త్వ‌ర‌లోనే.. హైద‌రాబాద్ లో మరో కొత్త షెడ్యూల్‌కి శ్రీ‌కారం చుడ‌తారు. ఈ సినిమాకి సంబంధించి ఓ ఆస‌క్తిర‌ర‌మైన అంశం బ‌య‌ట‌కు వ‌చ్చింది. అదేంటంటే.. ఇందులో కేవ‌లం మూడే మూడు పాట‌లుంటాయ‌ట. మరో పాట బ్యాక్ గ్రౌండ్ స్కోర్ రూపంలో రాబోతోంద‌ని తెలుస్తోంది. అంటే ఎటు చూసినా నాలుగే పాట‌లు. నిజానికి పాట‌ల‌కు అంత ప్రాధాన్యం ఇవ్వ‌కూడ‌ద‌ని రాజ‌మౌళి ముందే ఫిక్స‌యిన‌ట్టు తెలుస్తోంది. అల్లూరి సీతారామ‌రాజు, కొమ‌రం భీమ్ క‌థ‌లివి. క‌మ‌ర్షియ‌ల్ విలువ‌ల కోసం పాట‌లు జోడిస్తే – క‌థ ఔచిత్యం దెబ్బ‌తింటుందుఇ. ఎలాగూ ఇలాంటి క‌థ‌ల్లో డ్యూయెట్ల‌కు స్థానం లేదు. అందుకే పాట‌ల్ని వీలైనంత కుదించాల‌ని రాజ‌మౌళి భావించార్ట. అందుకే కేవ‌లం మూడు పాట‌తో స‌రిపెట్టారు. మరో పాట ఆర్.ఆర్ కోసం వాడుకోబోతున్నార్ట. కీర‌వాణి ఇప్ప‌టికే ట్యూన్స్ సిద్ధం చేసేశారు. రికార్డింగ్ చేయ‌డ‌మే త‌రువాయి.
#RRR లో పాట‌లు మూడేనా?
