సౌత్ లో తిరుగులేని స్టార్ డ‌మ్ సంపాదించిన క‌థానాయిక అనుష్క. ఇప్పటికీ ఆమె క్రేజ్ త‌గ్గలేదు. న‌వ‌త‌రం క‌థానాయిక‌లు ఎంత‌మంది వ‌స్తున్నా, అనుష్క స్థానం అనుష్కదే. క‌థానాయిక ప్రాధాన్యం ఉన్న చిత్రాల‌కు ఇప్పటికీ అనుష్కకే ఫ‌స్ట్ ఛాయిస్‌. అయితే గత కొంత కాలంగా ఆమెకు విజయాలు లేవనే చెప్పాలి. లింగ, సైజ్ జీరో, రుద్రమదేవి చిత్రాలు నిరాశ పరిచాయి. ఊపిరి, సోగ్గాడే, ఓ నమో వేంకటేశాచిత్రాలలో గెస్ట్ రోల్స్ లో సర్దుకుపోయింది.
అయితే ఎప్పటినుండో ఎదురుచూస్తున్న విజయం బాహుబలి2తో దొరికిపోయింది. పార్ట్ వన్ లో డిగ్లామర్ రోల్ తో సరిపెట్టుకున్న స్వీటీ.. ఇప్పుడు బాహుబలి 2లో మహారాణి దేవసేనగా ప్రేక్షకుల మదిని హోల్ సెల్ గా దోచేసింది. ఇందులో అనుష్క ను చూసి ఫిదా అయిపోయారు ఫ్యాన్స్. అంతేకాదు ఇప్పుడు దేశవ్యాప్తంగా అనుష్క పేరు మార్మోగిపోతుంది. బాలీవుడ్ దర్శక నిర్మాతలు కూడా అనుష్క తో సినిమా చేయడానికి సంప్రదింపులు జరుపుతున్నారని వార్తలు వచ్చేస్తున్నాయి.
ఆ వార్తలు మాట పక్కన పెడితే.. అనుష్క చేతిలో వున్న ‘బాగ్ మతి’పై ఎలాంటి అప్డేట్ లేకుండాపోయింది. గత ఏడాది మొదలైయింది ఈ సినిమా. పిల్ల జమిందార్ ఫేం అశోక్ చిత్రానికి దర్శకుడు. చాలా వరకూ చిత్రీకరణ జరుపుకుంది. అనుష్క కేజ్ ను నమ్మి భారీగా ఖర్చుపెడుతోంది ప్రభాస్ బ్యానర్ యువీ క్రియేషనన్స్. అయితే ఈ సినిమాకి సంబధించి ఎప్పటివరకు ఒక చిన్న లుక్ కూడా బయటికి రాలేదు. బాహుబలి 2తో కలిపి ప్రభాస్ ‘సాహో ‘టీజర్ రిలీజ్ చేసింది యువీ. దేశవ్యాప్తంగా సాహో జనాల్లోకి వెళ్ళిపోయింది. ‘బాగ్ మతి’ కూడా యువీదే. బాహుబలితో కలిపి ఒక చిన్న టీజర్ రిలీజ్ చేసుంటే భయంకరమైన పబ్లిసిటీ వచ్చేసేది. మరి ఆ దిశగా ఎందుకు ప్లాన్ చేయలేదో.. అసలు.. బాగ్ మతి పరిస్థితి ఏంటో..
