ఈ శ్రీ‌రామ‌న‌వ‌మికి మంచి గిఫ్టే ఇచ్చాడు ఎన్టీఆర్‌. త‌న కొత్త సినిమా పేరు ప్ర‌క‌టించ‌డ‌మే కాదు, లోగో కూడా చూపించాడు. మోష‌న్ పోస్ట‌ర్ విడుద‌ల చేశాడు. దాంతో ఎన్టీఆర్ ఫ్యాన్స్ ఖుషీ అయ్యారు. ఎన్టీఆర్ – బాబి కాంబినేష‌న్‌లో తెర‌కెక్కుతున్న చిత్రానికి ‘జై ల‌వ‌కుశ‌’ అనే పేరు పెట్టొచ్చ‌ని ఎప్ప‌టి నుంచో ప్ర‌చారం జ‌రుగుతోంది. ఇప్పుడు ఆ పేరే ఖాయం చేశారు.. అదీ… కాస్త ముందుగానే చెప్పేసి అభిమానుల్ని ఎలాంటి క‌న్‌ఫ్యూజ‌న్‌కి గురి కాకుండా చూసుకొన్నారు. లోగో చూస్తుంటే పాత ల‌వ‌కుశ గుర్తొస్తుంది. మోష‌న్ పోస్ట‌ర్‌కి ఇచ్చిన ఆర్‌.ఆర్‌.., లోగో డిజైన్… ఇవ‌న్నీ సంప్ర‌దాయ‌బ‌ద్దంగా క్లాసీగా ఉన్నాయి. క‌ల్యాణ్ రామ్ నిర్మాత‌గా వ్య‌వ‌హరిస్తున్న ఈ చిత్రంలో ఓ క‌థానాయిక‌గా రాశీ ఖ‌న్నాని ఎంచుకొన్న సంగ‌తి తెలిసిందే. మ‌రో నాయిక పాత్ర స‌మంత‌కు ద‌క్కిన‌ట్టు ఇండ్ర‌స్ట్రీ వ‌ర్గాల్లో ప్ర‌చారం జ‌రుగుతోంది. ఎన్టీఆర్ తొలిసారి త్రిపాత్రాభిన‌యం పోషిస్తున్న చిత్ర‌మిది. మూడు పాత్ర‌ల పేర్లు క‌లిసొచ్చేలా జై ల‌వ‌కుశ అనే పేరు పెట్టారు. అందులో ఓ పాత్ర నెగిటీవ్ ల‌క్ష‌ణాల‌తో ఉంటుంద‌ట‌. ఈ సినిమాలో ప్ర‌త్యేకంగా విల‌న్స్ అంటూ ఎవ‌రూ ఉండ‌ర‌ని, ఎన్టీఆరే విల‌న్‌గా క‌నిపించే అవ‌కాశం ఉంద‌ని తెలుస్తోంది. ఆ పాత్ర కోస‌మే ఎన్టీఆర్‌ని ప్ర‌త్యేకంగా తీర్చిదిద్ద‌బోతున్నారు. ఎన్టీఆర్ కోసం హాలీవుడ్ నుంచి మేక‌ప్ నిపుణుల్ని కూడా తీసుకొచ్చారు.