మే 20.. ఎన్టీఆర్ పుట్టిన రోజు. ఆ రోజున ఎన్టీఆర్ కొత్త సినిమాకి సంబంధించిన లుక్ వ‌స్తుంద‌ని అభిమానులు ఆశించారు. అయితే.. వాళ్లంద‌రికీ డ‌బుల్ బొనాంజా ఇవ్వ‌బోతున్నాడు ఎన్టీఆర్‌. ఫ‌స్ట్ లుక్ చూపించ‌డ‌మే కాదు, టైటిల్ ఏంటో కూడా ఆ రోజే చెప్పేస్తారు. ఎన్టీఆర్ – త్రివిక్ర‌మ్ కాంబినేష‌న్‌లో హారిక హాసిని సంస్థ ఓ చిత్రాన్ని రూపొందిస్తున్న సంగ‌తి తెలిసిందే. మే 20న ఎన్టీఆర్ పుట్టిన రోజు సంద‌ర్భంగా మే 19 సాయింత్రం ఈ కొత్త సినిమా టైటిల్‌తో పాటు, ఎన్టీఆర్ ఫ‌స్ట్ లుక్‌ని కూడా చూపించ‌బోతున్నారు. ఈ విష‌యాన్ని చిత్ర‌బృందం అధికారికంగా ప్ర‌క‌టించింది. పూజా హెగ్డే క‌థానాయిక‌గా న‌టిస్తున్న ఈ చిత్రానికి త‌మ‌న్ సంగీతం అందిస్తున్నారు. ‘అసామాన్యుడు’ అనే టైటిల్ ఈ సినిమా కోసం ప‌రిశీల‌న‌లో ఉంది. అదే పెడ‌తారా, లేదంటే మ‌రో కొత్త టైటిల్ బ‌య‌ట‌కు తీసుకొచ్చి షాక్ ఇస్తారా? అనేది చూడాలి. అల‌నాటి క‌థానాయిక రంభ‌.. ఈ సినిమాలో ఓ కీల‌క పాత్ర‌లో క‌నిపించ‌నుంద‌ని ప్ర‌చారం జ‌రుగుతోంది.