‘ఆర్‌.ఆర్‌.ఆర్‌’తో ఎన్టీఆర్ క్రేజ్ బాలీవుడ్ పాకేసింది. అక్క‌డి నుంచి వ‌రుస ఆఫ‌ర్లు వ‌చ్చి ప‌డిపోయాయి. అయితే క‌థ‌ల ఎంపిక‌లో కంగారు లేని ఎన్టీఆర్‌… ఆచి తూచి ప్రాజెక్టుల్ని ఎంచుకొంటున్నాడు. అందులో భాగంగా `వార్ 2`కి ఓకే చెప్పాడు. హృతిక్ రోష‌న్‌తో ఎన్టీఆర్ క‌లిసి న‌టిస్తున్న చిత్ర‌మిది. అయాన్ ముఖ‌ర్జీ ద‌ర్శ‌క‌త్వం వ‌హిస్తున్న ఈ చిత్రాన్ని య‌శ్ రాజ్ ఫిల్మ్స్ నిర్మిస్తున్న సంగ‌తి తెలిసిందే. షూటింగ్ ఎప్పుడో ప్రారంభ‌మైంది. అయితే ఎన్టీఆర్ ఇప్ప‌టి వ‌ర‌కూ సెట్లో అడుగు పెట్ట‌లేదు. ఎట్ట‌కేల‌కు ఎన్టీఆర్ ‘వార్ 2’ కోసం డేట్లు కేటాయించిన‌ట్టు తెలుస్తోంది. ఈనెల ద్వితీయార్థం నుంచి ఎన్టీఆర్ ‘వార్ 2’ సెట్లో అడుగు పెట్ట‌బోతున్నాడ‌ట‌. ప‌ది రోజుల పాటు జ‌రిగే ఈ షెడ్యూల్ లో ఎన్టీఆర్ పై కీల‌క స‌న్నివేశాల్ని తెరకెక్కిస్తార‌ని తెలుస్తోంది. ‘వార్ 2’ ఓ స్పై థ్రిల్ల‌ర్‌. ఇందులో ఎన్టీఆర్ పాత్ర ఎలా ఉంటుంద‌న్న విష‌యంలో క్లారిటీ లేదు. ఎన్టీఆర్ స‌ర‌స‌న ఓ క‌థానాయిక ఉండ‌బోతోంది. ఆమె ఎవ‌ర‌న్న‌ది త్వ‌ర‌లో తెలుస్తుంది. ఎన్టీఆర్ ప్ర‌స్తుతం ‘దేవ‌ర‌’తో బిజీగా ఉన్న సంగ‌తి తెలిసిందే. జాన్వీ క‌పూర్ క‌థానాయికగా న‌టిస్తున్న ఈ చిత్రానికి కొర‌టాల శివ ద‌ర్శ‌కుడు. అక్టోబ‌రు 10న ‘దేవ‌ర‌’ ప్రేక్ష‌కుల ముందుకు రాబోతోంది.