రీసెంట్ గా కోలీవుడ్లో రిలీజ్ అయ్యి సూపర్ సక్సెస్ అయిన వేదలం సినిమా తమిళ నాట రికార్డుల పరంపరను కొనసాగిస్తుంది. అజిత్ హీరోగా నటించిన ఈ సినిమాను తెలుగు దర్శకుడు శివ డైరెక్ట్ చేశాడు. సినిమాలో హీరోయిన్ గా చేసిన శృతి లాయర్ క్యారక్టర్లో నటించింది. సిస్టర్ సెంటిమెంట్ తో నడిచే ఈ సినిమా కోలీవుడ్లో సూపర్ కలక్షన్స్ ని రాబడుతుంది. అయితే ఈ సినిమా చూసిన యంగ్ టైగర్ ఎన్.టి.ఆర్ శివ దర్శకత్వ ప్రతిభను మెచ్చుకుంటూ సినిమా బాగుందని తన సన్నిహితులతో అన్నాడట.

సినిమా కథ పాతదే అయినా సిస్టర్ సెంటిమెంట్ ని దర్శకుడు చూపించిన విధానాం బాగా వర్క్ అవుట్ అయ్యిందట. అజిత్ వేదలం సినిమాలో అజిత్ సిస్టర్ గా లక్ష్మీ మీనన్ నటించింది. ఈ దీపావళికి రిలీజ్ అయిన ఈ సినిమా 6 రోజుల్లోనే 45 కోట్ల కలక్షన్స్ ని రాబట్టి 100 కోట్లను టచ్ చేసే దిశగా పరుగులు తీస్తుంది. మరి సినిమా చూసి నచ్చిన యంగ్ టైగర్ సినిమాను తెలుగులో రీమేక్ చేసే ఆలోచనలో ఏమన్నా ఉన్నాడా అనేది తెలియాల్సి ఉంది.

ఇదిలా ఉంటే వేదలం ప్రొడ్యూసర్ ఏ.ఎం.రత్నం ఈ సినిమాను మెగాస్టార్ చిరంజీవి కోసం స్పెషల్ స్క్రీనింగ్ వేయించి చూపిస్తున్నాడట. సినిమా భారీ హిట్ అవుతుండటంతో ఇదే సినిమాను తెలుగులో మెగాస్టార్ చిరంజీవి తీసే ఆలోచన ఉన్నాడని ఫిల్మ్ నగర్ టాక్. మొత్తానికి సిస్టర్ సెంటిమెంట్ తో వచ్చిన అజిత్ వేదలం సినిమా టాలీవుడ్లో కూడా టాక్ ఆఫ్ ది టౌన్ అవ్వడం గొప్ప విషయం అని చెప్పొచ్చు.