ఎన్టీఆర్ – ప్రశాంత్‌ నీల్ కలయికలో ఓ సినిమా రాబోతుంది. ఈ సినిమాకి ‘డ్రాగన్’ అనే పేరు పరిశీలనలో వుంది. ఇప్పుడు ఇందులో ఎన్టీఆర్ క్యారెక్టర్ పై కొన్ని ఆసక్తికరమైన విషయాలు తెలిశాయి. ఇందులో ఎన్టీఆర్ నెగిటివ్ క్యారెక్టర్ లో కనిపిస్తారని సమాచారం. డ్రాగన్ టైటిల్ కి తగ్గట్టు ఈ ఇందులో ఎన్టీఆర్ క్యారెక్టర్ ని డిజైన్ చేశాడట నీల్.
యూరోపియన్ కల్చర్ లో చెడుకి సింబల్ డ్రాగన్. మైథాలజీలో ఓ రాక్షసుడు. డ్రాగన్ కి అగ్గి పీల్చే గుణం వుంటుంది. అలాగే అలజడికి సింబాలిక్ గా డ్రాగన్ ని వాడుతారు. ఇవన్నీ ఎన్టీఆర్ క్యారెక్టర్ లో ఉండేట్లు డిజైన్ చేస్తున్నారు నీల్.
ఎన్టీఆర్ టెంపర్ లో నెగిటివ్ టచ్ వుండే పాత్ర చేశారు. ఇప్పుడు మరోసారి నెగిటివ్ రోల్ కి రెడీ అవుతున్నారు. అయితే నీల్ హీరో ఎప్పుడూ విలనీ టచ్ లోనే ఉంటాడు. ఇప్పుడు ఎన్టీఆర్ తో కూడా ఓ విలనీ హీరోయిజం క్యారెక్టర్ నే ప్లాన్ చేశారు. ఈ సినిమా ఈ ఏడాదిలోనే సెట్స్‌పైకి వెళ్లనుంది ఎన్టీఆర్ ప్రస్తుతం ‘దేవర’, ‘వార్‌2’ చిత్రాల్లో నటిస్తున్నారు. ‘దేవర’ తొలి భాగం చిత్రీకరణ పూర్తవ్వగానే ప్రశాంత్‌ నీల్ సినిమాపై దృష్టి పెడతారు.
