మ‌హాన‌టి ఆడియో వేడుక ఈరోజు రాత్రి హైద‌రాబాద్‌లోని అన్న‌పూర్ణ స్టూడియోలో జ‌ర‌గ‌బోతోంది. ఈ కార్య‌క్ర‌మానికి అతిథిగా ఎన్టీఆర్‌ని పిల‌వాల‌ని అశ్వ‌నీద‌త్ భావించారు. అశ్వ‌నీద‌త్ సంప్ర‌దిస్తే..’వ‌స్తానో రానో’ అంటూ.. కాస్త సందేహించాడు ఎన్టీఆర్‌. ఎట్ట‌కేల‌కు ఇప్పుడు అతిథిగా రావ‌డానికి ఓకే చెప్పేశాడు. ఈరోజు మ‌హాన‌టికి ఎన్టీఆరే చీప్ గెస్ట్‌. ‘మ‌హాన‌టి’లో సీనియ‌ర్ ఎన్టీఆర్‌గా కనిపించ‌మ‌ని ఎన్టీఆర్‌ని సంప్ర‌దించిన సంగ‌తి తెలిసిందే. `నాకంత స్థాయి లేదు. తాత‌గారి పాత్ర‌లో నేను క‌నిపించ‌లేను` అని సున్నితంగా చెప్పి త‌ప్పించుకున్నాడు ఎన్టీఆర్‌. ఇప్పుడు ఆడియో ఫంక్ష‌న్‌కి కూడా రాక‌పోతే బాగోద‌ని అనుకున్నాడో, ఏమో… ఎట్ట‌కేల‌కు ఒప్పుకుని ఈకార్య‌క్ర‌మానికి రాబోతున్నాడు. భ‌ర‌త్ అనే నేను ప్రీ రిలీజ్ ఫంక్ష‌న్‌కి ఎన్టీఆర్ వెళ్లి ‘ఈ సినిమా పాత రికార్డుల‌న్నింటినీ బ‌ద్ద‌లు కొట్టాలి’ అని ఆశీర్వ‌దించి వ‌చ్చాడు. అనుకున్న‌ట్టే మ‌హేష్ సినిమా సూప‌ర్ డూప‌ర్ హిట్ట‌య్యింది. ఆ ల‌క్కీ హ్యాండ్ ఇప్పుడు `మ‌హాన‌టి`పై ప‌డ‌బోతోంద‌న్న‌మాట‌.