అల వైకుంఠ‌పుర‌ములో త‌ర‌వాత త్రివిక్రమ్ ఎన్టీఆర్‌తో ఓ సినిమా చేయ‌బోతున్నాడ‌ని, `ఆర్‌.ఆర్‌.ఆర్‌` త‌ర‌వాత ఎన్టీఆర్ ప‌ట్టాలెక్కించే సినిమా ఇదేన‌ని వార్త‌లొచ్చాయి. ఇప్పుడు వాటిపై ఓ అధికారిక ప్ర‌క‌ట‌న కూడా వచ్చేసింది. ఎన్టీఆర్ – త్రివిక్రమ్ కాంబినేష‌న్ కుదిరింది. ఎన్టీఆర్ న‌టించే 30వ సినిమా ఇది. ఎస్‌.రాధాకృష్ణ, నంద‌మూరి క‌ల్యాణ్ రామ్ నిర్మాత‌లు. 2021 వేస‌విలో ఈ చిత్రాన్ని విడుద‌ల చేస్తారు. అర‌వింద స‌మేత వీర రాఘ‌వ‌లో ఎన్టీఆర్ – త్రివిక్ర‌మ్‌ల మ్యాజిక్ చూశారంతా. అది ఫ్యాక్ష‌న్ నేప‌థ్యంలో న‌డిచే క‌థ. ఈసారి పూర్తి స్థాయి వినోదాత్మ‌క చిత్రంతో రానున్నారు. జూన్ – జులైల‌లో ఈ సినిమా సెట్స్‌పైకి వెళ్తుంది. `అయిన‌నూ పోవ‌లె హ‌స్తిన‌కు` అనే పేరు ఈ సినిమా కోసం ప‌రిశీలిస్తున్నారు. త‌మ‌న్ సంగీతం అందించ‌నున్న ఈ చిత్రానికి సంబంధించిన పూర్తి వివ‌రాలు త్వ‌ర‌లో వెల్ల‌డ‌వుతాయి.
