బుల్లి తెర రియాలిటీ షో బిగ్ బాస్ తో.. తెర‌పైకి వ‌చ్చిన సామాన్యుడు నూత‌న్ నాయుడు. బిగ్ బాస్ 2లో.. ఎవ‌రికీ రాని, అరుదైన అవకాశం నూత‌న్‌కి వచ్చింది. ఎలిమినేట్ అయిపోయి కూడా… మ‌ళ్లీ ఎంట్రీ ఇచ్చుకున్నాడు నూత‌న్ నాయుడు. బిగ్ బాస్ త‌ర‌వాత‌.. ఒక‌ట్రెండు సినిమాల్లో న‌టించాడు. ఇప్పుడు… మెగాఫోన్ ప‌ట్ట‌బోతున్నాడు.

రాంగోపాల్ వ‌ర్మ‌పై `ప‌రాన్న‌జీవి` అనే ఓ సినిమా తెర‌కెక్కుతోంది. ఈ సినిమాకి ద‌ర్శ‌కుడు నూత‌న్ నాయుడునే. ఆల్రెడీ స్క్రిప్టు రెడీ అయిపోయింది. న‌టీన‌టుల ఎంపిక జ‌రిగిపోయింది. అతి త్వ‌ర‌లోనే షూటింగ్ మొద‌ల‌వుతుంది. ఈ సినిమా వెనుక చాలామంది ప‌వ‌న్ క‌ల్యాణ్ అభిమానుల అండ‌దండ‌లున్నాయి. వాళ్లే… పెట్టుబ‌డి కూడా పెడుతున్నార‌ని టాక్‌. ప‌వ‌న్‌పై `ప‌వ‌ర్ స్టార్‌` అనే సినిమా తీశాడు వ‌ర్మ‌. దానికి ఇది కౌంట‌ర్ అన్న‌మాట‌.