మోడల్ గా సక్సెస్ ఫుల్ గా కెరియర్ కొనసాగిస్తున్న పూజా కోలీవుడ్ మాస్క్ సినిమాలో హీరోయిన్ గా చేసి అందరి దృష్టిని ఆకర్షించింది. ముకుంద, ఒక లైలా కోసం సినిమాలో నటించిన ఈ అమ్మడు ఏకంగా హృతిక్ రోషన్ తో జత కట్టే చాన్స్ కొట్టేసింది. ప్రస్తుతం మొహెంజోదారో సినిమా చేస్తున్న పూజా హెగ్దే టాలీవుడ్ క్రేజీ ఆఫర్ ఒకటి వచ్చిందట. ప్రస్తుతం డైరక్టర్ స్టార్ కాస్ట్ అంతా రెడీ అయిన సినిమాకు హీరోయిన్ గా పూజాని తీసుకునే ఆలోచనలో ఉన్నారట దర్శక నిర్మాతలు.
అయితే పూజా ఏ హీరో సినిమాలో నటించబోతుందని తెగ ఆలోచించడం మొదలెట్టారు ప్రేక్షకులు. ప్రస్తుతం నాగ చైతన్య మజ్ఞు, చరణ్ తని ఒరువన్ తెలుగు రీమేక్, ఎన్.టి.ఆర్ జనతా గ్యారేజ్ ఈ మూడు సినిమాల్లో ఏదో ఒక దానిలో పూజా ఓకే అయ్యే చాన్సెస్ ఉన్నాయని అంటున్నారు. ఇప్పటికే చైతు మజ్ఞు స్టార్ కాస్ట్ అంతా ఓకే అయినా జనతా గ్యారేజ్, తని ఒరువన్ సినిమాల్లో హీరోయిన్ ఓకే అవ్వలేదు. కాబట్టి ఈ రెండు సినిమాల్లో అమ్మడు నటించే చాన్సులు ఉన్నాయని ఫిల్మ్ నగర్ టాక్.
మరి ముందు నటించిన రెండు సినిమాలు కమర్షియల్ హిట్ అవ్వకపోయినా సరే టాలీవుడ్లో మరో క్రేజీ ఆఫర్ ని కొట్టేసిన ఈ అమ్మడు ఈ సినిమా అయినా సూపర్ సక్సెస్ అయ్యి ఇక్కడ మరిన్ని ఆఫర్లు సొంతం చేసుకోవాలని కోరుకుందాం.
