బుల్లితెర మీద అందాల కనువిందు చేసిన అనసూయ ఇప్పుడు వెండితెర మీద తన నటనా ప్రతిభను కూడా చూపిస్తూ వారెవా అనిపిస్తుంది. సోగ్గాడే చిన్ని నాయనా సినిమాలో నాగ్ మరదలిగా నటించి మెప్పించిన ఈ అమ్మడు రీసెంట్ రిలీజ్ క్షణంలో ఓ పవర్ఫుల్ పాత్రలో కనిపించింది. హాట్ గాళ్ ఇమేజ్ ఉన్న అనసూయ ఆ ఇమేజ్ ను చెరిపేసేందుకు క్షణంలోని పోలీస్ పాత్రలో తన టాలెంట్ తో మెప్పించింది.

అయితే ఫిబ్రవరి 26న రిలీజ్ అయిన క్షణం మూవీ ముందు యావరేజ్ టాక్ వచ్చినా కలక్షన్స్ మాత్రం కుమ్మేస్తుంది. సినిమాకు పెట్టిన బడ్జెట్ ఎప్పుడో రికవర్ అయ్యి లాభాల బాట నడుస్తుంది. సినిమాలో హీరో హీరోయిన్ కాకుండా అనసూయ పాత్ర హైలెట్ అయ్యింది. అందుకే క్షణం నిర్మాత పివిపి అనసూయ ప్రధాన పాత్రగా ఓ సినిమా ప్లాన్ చేస్తున్నారట.

రెండు సినిమాలతో ప్రేక్షకుల్లో ఓ ఫాలోయింగ్ ఏర్పరచుకున్న అనసూయ ఇక మూడో సినిమా ప్రయత్నంగా సోలోగా వచ్చేందుకు సిద్ధమైంది. ఓ వైపు సినిమాలు చేస్తూనే మరోవైపు బుల్లితెర అలరిస్తున్న ఈ అమ్మడు అప్పుడప్పుడు ఆడియో రిలీజ్ కార్యక్రమంలో కూడా యాంకరింగ్ చేస్తుంది. మరి పివిపి నిర్మిస్తున్న సినిమాతో అనసూయ ఎలాంటి ఫలితాన్ని అందుకుంటుందో చూడాలి.