ఒకరినొకరు అభిమానించి ప్రేమించిన వారు ఒకరికొకరు ఊపిరిగా ఉంటారు.. అలా ఒకరి ఊపిరి ఒకరుగా జీవించే ఇద్దరు స్నేహితుల జీవిత కథాంశంతో తెరకెక్కుతున్న సినిమా ‘ఊపిరి’. హాలీవుడ్ ‘ఇన్ టచబుల్స్’ కు అఫిషియల్ రీమేక్ గా వస్తున్న ఈ సినిమా ఫస్ట్ లుక్ పోస్టర్ తో ప్రేక్షకులందరిని ఆకట్టుకుంది. ఇక ఫిబ్రవరి 14 ప్రేమికుల రోజు సందర్భంగా ఊపిరి టీజర్ ను రిలీజ్ చేయనున్నారు దర్శక నిర్మాతలు.

కింగ్ నాగార్జున, కార్తి లీడ్ రోల్స్ లో నటించిన ఈ సినిమాలో తమన్నా కథానాయికగా నటిస్తుంది. అడివి శేష్, అనుష్క ప్రత్యేక పాత్రల్లో నటిస్తున్నారు. చిత్రీకరణ దాదాపు పూర్తి చేసుకున్న ఈ సినిమా పోస్ట్ ప్రొడక్షన్ వర్క్ జరుపుకుంటుంది. అయితే ప్రేమికుల దినోత్సవం సందర్భంగా ఊపిరి టీజర్ రిలీజ్ చేస్తున్నారు. ఇప్పటికే సోగ్గాడే చిన్ని నాయన హిట్ తో ఫుల్ ఫాంలో ఉన్న నాగ్ ఈ సినిమా కూడా కచ్చితంగా హిట్ కొడుతుందనే నమ్మకంతో ఉన్నాడు.

సినిమా టీజర్ రిలీజ్ గురించి ప్రేక్షకులు కూడా ఎంతో ఉత్సాహంగా ఎదురు చూస్తున్నారు. మరి అందరి అంచనాలు అందుకునేలా ఊపిరి టీజర్ మెప్పిస్తుందో లేదో చూడాలి.