మార్చ్ 25న రిలీజ్ అయిన నాగార్జున, కార్తిల ఊపిరి సినిమా కలక్షన్స్ పరంగానే కాదు అన్ని విధాలుగా కాసుల వర్షం కురిపిస్తుంది. ఊపిరి సినిమా వంశీ పైడిపల్లి దర్శకత్వంలో పివిపి నిర్మించారు. తెలుగు, తమిళ భాషల్లో రిలీజ్ అయిన ఈ సినిమా రెండు చోట్ల సూపర్ సక్సెస్ అందుకుంది. ఇక ఓవర్సీస్ లో కూడా ఈ సినిమా మంచి వసూళ్లను రాబడుతుంది. అందుకే సినిమా శాటిలైట్ రైట్స్ కూడా భారీ రేంజ్ లో అమ్ముడయ్యింది.
తెలుగులో ఊపిరి, తమిళ లో తోజాగా రిలీజ్ అయిన ఈ సినిమా సన్ నెట్వర్క్ వారు మొత్తంగా 14 కోట్లకు కొనేసినట్టు సమాచారం. ఓ రకంగా చెప్పాలంటే స్టార్ హీరోల సినిమాలకు ధీటుగా ఈ మల్టీస్టారర్ సినిమా అమ్ముడవ్వడం విశేషం. హృదయానికి హత్తుకునే కథాంశంతో కూడా ప్రేక్షకులను ఆకట్టుకోవచ్చు అని ఈ సినిమాతో మరోసారి రుజువు చేశారు ఊపిరి చిత్రయూనిట్. ముఖ్యంగా టాలీవుడ్ మన్మధుడు అయిన కింగ్ నాగార్జునను సినిమా మొత్తం వీల్ చైర్ లో కూర్చోబెట్టి హిట్ కొట్టడమంటే అది సామాన్యమైన విషయం కాదు. సినిమాకు దర్శకుడు వంశీ పైడిపల్లి ఎంత కష్టపడ్డాడో అంత మంచి ప్రశంసలు పొందుతున్నాడు. ఇక ఈ సినిమా శాటిలైట్ రైట్స్ లో కూడా అదరగొట్టే రేంజ్ లో అమ్ముడవ్వడం చూసి చిత్రయూనిట్ మరింత ఆనందంలో ఉన్నారు.
