బాల‌య్య‌కు ముహూర్తాల ప‌ట్టింపులు ఎక్కువ‌. ఇంట్లోంచి బ‌య‌ట‌కురావాల‌న్నా శుభ ఘ‌డియ‌లు చూడాల్సిందే. అలాంటిది సినిమా విడుద‌ల విష‌యంలో ఇంకెంత నిక్కచ్చిగా ఉంటారో వేరే చెప్పాలా?? మరి కొద్ది గంట‌ల్లోనే `పైసా వ‌సూల్ ` విడుద‌ల కాబోతోంది. విడుద‌ల‌కు ముందు రోజు ఫ్యాన్స్ షోల పేరుతో హ‌డావుడి చేయ‌డం మామూలే. కానీ.. `పైసా వ‌సూల్‌`కి స్పెష‌ల్ షోలేం లేవు. శ‌క్ర‌వారం ఉద‌యం ఆట‌ల‌తోనే పైసా వ‌సూల్ సంద‌డి మొద‌ల‌వుతుంది. ఫ్యాన్స్ అర్థ‌రాత్రి షోలు వేసుకొంటామ‌ని ముందుకొచ్చినా… పోలీసు శాఖ అందుకు అనుమతి ఇవ్వ‌లేదు. కావాలంటే గురువారం 9 గంట‌ల షో వేసుకోండి.. లేదంటే.. శుక్ర‌వారం ఉద‌యం 6 గంట‌ల‌కు షో వేసుకోండి అన్నార్ట‌. అయితే ఈలోగా బాల‌య్య ఈ సినిమాకి ముహూర్తం నిర్ణయించేశారు. శుక్ర‌వారం ఉద‌యం 5 గంట‌లు దాటిన త‌ర‌వాతే షో ప‌డాల‌ని ఆర్డరేశారు. ఆయ‌న్ని కాద‌ని చేసేదేముంది? అందుకే గురువారం రాత్రి పైసా వ‌సూల్ ప్ర‌ద‌ర్శించే ధైర్యం చేయ‌లేక‌పోయింది చిత్ర‌బృందం. డైరెక్ట‌ర్స్ డిపార్ట్‌మెంట్‌కి ఓ షో వేద్దామ‌ని పూరి అడిగినా.. బాల‌య్య కాద‌న్నాడ‌ట‌. ఉద‌యం 6 గంట‌ల షో కూడా దాదాపు గా లేక‌పోవొచ్చు. మ‌ల్టీప్లెక్స్‌ల‌లో 8.45 కి ఆట మొద‌ల‌వుతుంది. పైసా వ‌సూల్ తొలి షో ప‌డేది కూడా అప్పుడే.