ఇప్పుడు సినిమా టైటిల్స్ పాన్ ఇండియాని ద్రుష్టిలో పెట్టుకొనే ఫిక్స్ చేస్తున్నారు. క్యాచిగా వుండటంతో పాటు అన్ని భాషల ప్రేక్షకులు పలకగలిగే సౌండింగ్ తో పెడుతున్నారు. ఇప్పుడు నాని కొత్త సినిమాకి కూడా అలాంటి ఓ టైటిల్ ని పరిశీలిస్తున్నారు.
నాని, శ్రీకాంత్ ఓదెల కాంబినేషన్ లో ఓ సినిమా వస్తోంది. దసరా తర్వాత ఈ ఇద్దరూ కలసి చేస్తున్న రెండో సినిమా ఇది. ఇప్పటికే ముహూర్తం జరిగింది. ఈ చిత్రానికి ‘పారడైస్’ అనే టైటిల్ ని పరిశీలిస్తున్నారని తెలుస్తోంది.
‘పారడైస్’ అంటే స్వర్గమని అర్ధం. పారడైస్ పేరుతో రెస్టారెంట్స్ కూడా పాపులర్. ఐతే ఈ పారడైస్ సంగతి వేరు. ఈ సినిమా కథ పారడైస్ అనే ఫిక్షనల్ ఏరియాలో జరుగుతుందట. ఈ కథకు ఈ టైటిల్ యాప్ట్ గా ఉటుందని భావిస్తున్నారు. పైగా పారడైస్ టైటిల్ లో పాన్ ఇండియా సౌండింగ్ వుంది.
ఇందులో కంటెంట్ కూడా యూనివర్సల్ అప్పీల్ వుండేలా డిజైన్ చేశారు. దసరాతో పోల్చుకుంటే పదింతలు వైలెన్స్ వున్న కథని రాసుకున్నారు శ్రీకాంత్. ఈ టైటిలే ఫైనల్ అయ్యే అవకాశాలు కనిపిస్తున్నాయి. అనిరుద్ ఈ సినిమాకి మ్యూజిక్ అందిస్తున్నాడు.
