పంచాక్ష‌రి సినిమాలో అనుష్క ప‌క్క‌న క‌థానాయ‌కుడిగా న‌టించిన సామ్రాట్ గుర్తున్నాడా?? దాదాపు 40 సినిమాల్లో న‌టించాడు. ఇప్పుడు త‌నే క‌ట‌క‌టాల పాల‌య్యాడు. సోమవారం రాత్రి మాదాపూర్ పోలీసులు సామ్రాట్‌ని అరెస్టు చేశారు. త‌న ని అద‌న‌పు క‌ట్నం కోసం పోరు పెడుతున్నాడ‌ని, మాన‌సికంగా, శారీర‌కంగా వేధిస్తున్నాడ‌ని సామ్రాట్ భార్య మాదాపూర్ పోలీసుల‌కు ఫిర్యాదు చేసింది. అంతే కాదు.. నాలుగు రోజుల క్రితం సామ్రాట్‌, అత‌ని సోద‌రి ఎవ‌రూ లేని స‌మ‌యంలో త‌న ఇంటికి వ‌చ్చి, తాళాలు బ‌ద్ద‌లు కొట్టి, ఇంట్లోని విలువైన వ‌స్తువుల్ని దొంగిలించార‌ని, సీసీ కెమెరాల్ని కూడా ధ్వంసం చేశార‌ని స‌మ్రాట్ భార్య త‌న ఫిర్యాదులో పేర్కొన్నారు. దాంతో 498 ఏ సెక్ష‌న్ కింద సామ్రాట్‌పై కేసు న‌మోదు చేసిన పోలీసులు సోమ‌వారం రాత్రి అరెస్టు చేశారు.