ఎట్ట‌కేల‌కు ప‌రశురామ్ సినిమా ప‌ట్టాలెక్కుతోంది. నాగ‌చైత‌న్య క‌థానాయ‌కుడిగా 14 రీల్స్ ప్ల‌స్ సంస్థ ఈ చిత్రాన్ని తెర‌కెక్కించ‌నుంది. `గీత గోవిందం` త‌ర‌వాత ప‌ర‌శురామ్ సినిమా ప‌ట్టాలెక్కించిన సినిమా ఇదే. మ‌ధ్య‌లో ప్ర‌భాస్ నుంచి అఖిల్ వ‌ర‌కూ హీరోలంద‌రినీ ట్రై చేశారు. కానీ వ‌ర్క‌వుట్ అవ్వ‌లేదు. మొత్తానికి చైతూతో ప్రాజెక్టు ఖాయం అయ్యింది. ఈ సినిమాకి సంబంధించిన అధికారిక ప్ర‌క‌ట‌న కూడా వ‌చ్చేసింది.

ఈ సినిమాకి గానూ ప‌ర‌శురామ్‌కి 10 కోట్ల పారితోషికం అందిస్తున్నారు. తొలి విడ‌త‌గా రూ.4 కోట్లు అడ్వాన్సుగా ముట్టింది. సినిమా పూర్త‌య్యాక మ‌రో 4 కోట్లు ఇస్తారు. లాభాలొస్తే మ‌రో 2 కోట్లు ఇవ్వ‌డానికి ఒప్పందం జ‌రిగింది. అంటే ఈ పారితోషికాన్ని మూడు విడ‌త‌లుగా ఇస్తున్నార‌న్న‌మాట‌. గీత గోవిందం రూ.100 కోట్లు సాధించింది. అప్ప‌ట్లో ఆయ‌న‌కు పారితోషిక రూపంలో అందింది త‌క్కువే. కానీ వంద కోట్లు కొట్టాక మాత్రం భారీ మొత్తం బోన‌స్‌గా ఇచ్చారు. ఇప్పుడు మాత్రం ఏకంగా పారితోషికమే 10 కోట్లు అంద‌నుంది.