‘ఫ్యామిలీస్టార్’ త‌ర‌వాత ప‌ర‌శురామ్ సినిమా ఏమిట‌న్న విష‌యంలో కొంత‌కాలంగా త‌ర్జ‌న భ‌ర్జ‌న‌లు జ‌రుగుతున్నాయి. కార్తి కోసం ఆయ‌న ఓ క‌థ రెడీ చేసుకొన్నారు. అయితే… ఎందుక‌నో ఆ సినిమా కార్య‌రూపం దాల్చ‌లేదు. ఇప్పుడు సిద్దు జొన్న‌ల‌గ‌డ్డ‌తో సినిమా చేయ‌డానికి దాదాపుగా రంగం సిద్ధ‌మైంద‌న్న‌ది ఇన్ సైడ్ వర్గాల టాక్‌. ఈ చిత్రాన్ని దిల్ రాజు బ్యాన‌ర్‌లో రూపొందించే అవ‌కాశాలు ఉన్నాయి. సిద్దు జొన్న‌ల‌గ‌డ్డ‌తో దిల్ రాజు ఓ సినిమా చేయాల‌ని ఇది వ‌ర‌కే ఒప్పందం చేసుకొన్నారు. ఈ మేర‌కు అడ్వాన్స్ కూడా ఇచ్చార‌ని తెలుస్తోంది. ‘ఫ్యామిలీస్టార్‌’ చేసేట‌ప్పుడే దిల్ రాజు కాంపౌండ్ లో మ‌రో సినిమా చేయ‌డానికి ప‌ర‌శురామ్ అంగీక‌రించార‌ని టాక్. అలా.. ఈ ద‌ర్శ‌కుడ్ని, హీరోనీ ముడి పెట్టేశారు దిల్ రాజు. అయితే కార్తి కోసం అనుకొన్న క‌థే… ఇప్పుడు సిద్దుతో చేస్తున్నారా? లేదంటే ఆ క‌థ‌ని ప‌క్క‌న పెట్టి కొత్త క‌థ‌తో ఈ ప్రాజెక్ట్ ముందుకు తీసుకెళ్తున్నారా? అనేది తెలియాల్సివుంది.

సిద్దు జొన్న‌ల‌గ‌డ్డ ప్ర‌స్తుతం బొమ్మ‌రిల్లు భాస్క‌ర్ తో ఓ సినిమా చేస్తున్నారు. పీపుల్ మీడియా ఫ్యాక్ట‌రీలో ‘తెలుసు క‌దా’ అనే మ‌రో ప్రాజెక్టు న‌డుస్తోంది. ఇవి రెండూ దాదాపుగా పూర్తికావొచ్చాయి. వీటి త‌ర‌వాతే.. ప‌ర‌శురామ్ ద‌ర్శ‌క‌త్వంలో సినిమా మొద‌ల‌య్యే అవ‌కాశాలు ఉన్నాయి.