ప్ర‌ముఖ సినీ జ‌ర్న‌లిస్టు ప‌సుపులేటి రామారావు మృతి చెందారు. ఆయ‌న వ‌య‌సు 70 ఏళ్లు. గ‌త కొంత‌కాలంగా అస్వ‌స్థ‌త‌తో బాధ‌ప‌డుతున్న రామారావు ఈరోజు ఉద‌యం హైద‌రాబాద్‌లోని ఓ ప్రైవేటు ఆసుప‌త్రిలో క‌న్నుమూశారు. చిత్ర‌సీమ‌లోని ప్ర‌ముఖుల‌తో ఆయ‌న‌కు స‌న్నిహిత సంబంధాలున్నాయి. ముఖ్యంగా చిరంజీవి, నారాయ‌ణ‌మూర్తిలాంటి వాళ్ల‌కు ఆయ‌న అత్యంత స‌న్నిహితుడు. చిరంజీవి, శ్రీ‌దేవి, సావిత్రి, ఎస్వీ రంగారావుల‌పై ఆయ‌న‌పుస్త‌కాలు కూడా రాశారు. అవి అశేష ఆద‌ర‌ణ పొందాయి. వివిధ వార ప‌త్రిక‌ల‌కు జ‌ర్న‌లిస్టుగా ప‌నిచేశారు. వంద‌ల చిత్రాల‌కు పీఆర్వోగా వ్య‌వ‌హ‌రించారు. రేపు ఉద‌యం హైద‌రాబాద్‌లో అంత్య‌క్రియ‌లు జ‌రుగుతాయ‌ని కుటుంబ స‌భ్యులు తెలిపారు.