అనుపమ చోప్రాకి ప‌వ‌న్ క‌ల్యాణ్ ఇచ్చిన ఇంట‌ర్వ్యూ ఇప్పుడు ఆన్ లైన్ ప్ర‌పంచంలో సంచ‌ల‌నం సృష్టిస్తోంది. సినిమాలు, రాజ‌కీయాలు, వ్య‌క్తిగ‌త జీవితం గురించి అన‌ర్గ‌ళంగా మాట్లాడిన ప‌వ‌న్‌… ఓ విష‌యంలో మాత్రం అభిమానుల్ని బాగా హ‌ర్ట్ చేశాడు. ప‌వ‌నిజం ప్ర‌స్తావ‌న తీసుకొచ్చిన సంద‌ర్భంలో అస‌లు ప‌వ‌నిజం అంటే ఏమిటో తెలీదని, ప్ర‌పంచంలో ఇన్ని ఇజాలుండ‌గా,.. కొత్త‌ది ఎందుక‌ని కాస్త వెట‌కారంగానే మాట్లాడాడు. ప‌వ‌నిజం ఫ్యాన్స్ నుంచి పుట్టుకొచ్చింద‌ని, కాబ‌ట్టి దాన్ని ఆపే బ‌లం త‌న‌కు సరిపోద‌న్నాడు ప‌వ‌న్‌. తాను రాజ‌కీయాల్లోకి వెళ్లిపోతే ఈ ప‌వ‌నిజం ఏమైపోతుందో త‌న‌కూ తెలీద‌ని.. కాస్త అయోమ‌యంగానే స‌మాధాన‌మిచ్చాడు ప‌వ‌న్‌.

ప‌వ‌న్ భావాల్ని, సిద్దాంతాల్నీ తూచ త‌ప్ప‌కుండా పాటిస్తూ, అదీ ప‌వ‌నిజం అని న‌మ్మే ప‌వ‌న్ ఫ్యాన్స్ మాత్రం ఈ మాట‌ల‌కు షాక్ తిన్నారు. ఎవ‌రి కోస‌మైతే వాళ్లింత‌గా తాప‌త్ర‌య‌ప‌డుతున్నారో, వాళ్లే… ప‌వ‌నిజంపై నెగిటీవ్ కామెంట్స్ చేయ‌డం.. ఫ్యాన్స్‌కి న‌చ్చ‌లేదు. దాంతో ప‌వ‌న్ పై వెర్రి అభిమానం పెంచుకొన్న అభిమానులు.. కాస్త హ‌ర్ట‌య్యార‌న్న వార్త‌లు వినిపిస్తున్నాయి. రెండు మూడు సినిమాల త‌ర‌వాత పూర్తిగా రాజ‌కీయాల‌పై దృష్టి పెడ‌తాన‌ని, సినిమాల గురించి ప‌ట్టించుకోన‌ని ప‌వ‌న్ వ్యాఖ్యానించినా అంత‌గా బాధ‌ప‌డ‌ని ఫ్యాన్స్‌.. ప‌వ‌నిజం పై ప‌వ‌న్ మాట్లాడిన తీరుకి మ‌న‌స్తాపం చెందాని కొంత‌మంది హార్డ్ కోర్ ప‌వ‌న్ ఫ్యాన్సే చెబుతున్నారు. ఇంట‌ర్వ్యూ అన్నాక‌… ఇలాంటివి కామ‌నే అని లైట్ తీసుకొంటున్న‌వాళ్లూ ఉన్నారు. ఇలాంటి ద‌శ‌లోనే ప‌వ‌న్ ఫ్యాన్స్ కాస్త పాజిటీవ్‌గా ఆలోచిస్తే మంచిది. ప‌వ‌నిజంలో అదీ ఓ భాగ‌మే అనుకొంటే స‌రిపోతుందిగా.