ప‌వ‌న్ కల్యాణ్ రీ ఎంట్రీ ఖాయ‌మైపోయింది. ఆయ‌న చేతిలో రెండు ప్రాజెక్టులున్నాయి. ఒక‌టి పింక్. రెండోది క్రిష్ సినిమా. పింక్‌లో ప‌వ‌న్ కల్యాణ్ క్యారెక్ట‌ర్ గురించి కొత్త‌గా చెప్పేదేమీ లేదు. మాతృక‌లో అమితాబ్ చేసిన లాయ‌ర్ పాత్రే. అక్క‌డ ఆయ‌న వృద్ధ లాయ‌ర్‌గా క‌నిపిస్తే, ఇక్క‌డ… కాస్త యంగ్‌లో ఉన్న న్యాయ‌వాదిగానే క‌నిపించే అవ‌కాశం ఉంది.
ఇప్పుడు క్రిష్ సిన‌మాలో ప‌వ‌న్ పాత్ర ఏమిటన్న విష‌యం బ‌య‌ట‌కు వ‌చ్చింది. ఈ సినిమాలో ప‌వ‌న్ దొంగ‌గా క‌నిపించ‌నున్నాడు. మొఘ‌లాయిల కాలానికి సంబంధించిన క‌థ ఇది. మ‌హ‌మ్మ‌దీయుల ప‌రిపాల‌నా కాలం, అప్ప‌టి ప‌రిస్థితులు… ఇవ‌న్నీ తెర‌పై చూపించ‌బోతున్నారు. పిరియాడిక్ డ్రామా కోసం భారీ సెట్లు వేయ‌బోతున్నారు. దొంగ అనే అర్థం వ‌చ్చే టైటిల్ కోసం క్రిష్ బృందం క‌స‌ర‌త్తులు చేస్తోంది. ఇప్ప‌టికే క్రిష్ పూర్తి స్థాయిలో క‌థ సిద్ధం చేసిన‌ట్టు సమాచారం. అయితే ప్రీ ప్రొడ‌క్ష‌న్ కి బాగా టైం తీసుకునే అవ‌కాశం ఉంది. కాస్ట్యూమ్స్‌, సెట్స్‌, అప్ప‌టి ఆయుధాలూ.. ఇవ‌న్నీ కావాల్సివ‌స్తుంది. ఈలోగా పింక్ మొద‌లెట్టే ఛాన్సుంద‌ని సమాచారం.
