ప‌వ‌న్ క‌ల్యాణ్ – త్రివిక్ర‌మ్‌ల స్నేహ‌బంధం తెలియంది కాదు. ఒక‌రితో ఒక‌రికున్న ఎటాచ్‌మెంట్ ప్రత్యేకంగా చెప్ప‌క్క‌ర్లెద్దు. ప‌వ‌న్ సినిమా అంటే త్రివిక్ర‌మ్‌కు, త్రివిక్ర‌మ్ సినిమా అంటే ప‌వ‌న్‌కూ సొంత సినిమాల కిందే లెక్క‌. స‌ర్దార్ సెట్‌కి త్రివిక్ర‌మ్ వ‌చ్చి సంద‌డి చేశాడు. ఇప్పుడు అఆ సెట్‌కి ప‌వ‌న్ వెళ్లి షాక్ ఇచ్చాడు. అదీ… అర్థ‌రాత్రి. త్రివిక్ర‌మ్ ద‌ర్శ‌కత్వం వ‌హిస్తున్న అఆ చిత్ర షూటింగ్ జూబ్లిహిల్స్ లో జ‌రుగుతోంది. ప్ర‌స్తుతం ఓ పాట‌ని చిత్రీక‌రిస్తున్నారు. బుధ‌వారం అర్థ‌రాత్రి.. షూటింగ్ సెట్‌కి చెప్పా పెట్ట‌కుండా వెళ్లిపోయాడు స‌ర్దార్‌. ప‌వ‌న్ ని సెట్లో చూసేస‌రికి చిత్ర‌బృంద‌మంతా షాక్ అయ్యింది.

నితిన్ ప‌వ‌న్‌కి వీరాభిమాని. త‌న సెట్‌కి ప‌వ‌న్ రావ‌డంతో నితిన్‌.. సంభ్ర‌మాశ్చ‌ర్యాల‌కు లోన‌య్యాడు. ప‌వ‌న్ దాదాపు గంట సేపు సెట్లో నే గ‌డిపి, స్నేహితుడు త్రివిక్ర‌మ్‌తో స‌ర‌దాలాడి.. వెళ్లాడ‌ట‌. ప‌వ‌న్ గెట‌ప్ కూడా.. సెట్లోవాళ్ల‌ని ఆశ్చ‌ర్య‌ప‌రిచింది. తెల్ల చొక్కా, పంచె వేసుకొని తెలుగు సంప్ర‌దాయాన్ని త‌ల‌పించే గెట‌ప్ లో ప‌వ‌న్ ద‌ర్శ‌న‌మిచ్చాడు మ‌రి. త్వ‌ర‌లో జ‌రిగే అఆ ఆడియో వేడుక‌కు ప‌వ‌నే చీఫ్ గెస్ట్ అని వేరే చెప్పాలా???