2020 ప్ర‌ధ‌మార్థంలో ‘పింక్‌’ రీమేక్ ప‌ట్టాలెక్క‌బోతోంది. ఇప్ప‌టికే స్క్రిప్టు ప‌నులు పూర్తి కావొచ్చాయి. ప్ర‌స్తుతం డైలాగ్ వెర్ష‌న్ జ‌రుగుతోంది. ప‌వ‌న్ రాక కోసం చిత్ర‌బృందం ఆసక్తిగా ఎదురుచూస్తోంది. ఈ సినిమాలో ప‌వ‌న్ గెట‌ప్ మాత్రం ఖాయ‌మైంది. ఈసారి ఆయ‌న సినిమా మొత్తం గెడ్డంతోనే క‌నిపించ‌నున్నారు. హిందీ పింక్‌లో అమితాబ్ గ‌డ్డంతోనే క‌నిపించారు. త‌మిళంలో రీమేక్ చేసిన అజిత్ కూడా అదే లుక్ ఫాలో అయ్యాడు. ఇప్పుడు ప‌వ‌న్ కూడా అంతే. దానికి తోడు.. ప‌వ‌న్ ఇప్పుడు బ‌య‌ట కూడా గెడ్డంతోనే క‌నిపిస్తున్నాడు. సినిమాలోనూ అదే లుక్ ఫాలో అయిపోతే.. క‌థ‌కి, పాత్ర‌కి కూడా సూట‌బుల్‌గా ఉంటుంద‌న్న‌ది ప‌వ‌న్ ఉద్దేశం. ప‌వ‌న్‌ని తెర‌పై పూర్తి స్థాయి గ‌డ్డంలో చూడ‌డం అరుదే. ఇది వ‌ర‌కు `పంజా`లో ఆయ‌న గెడ్డం గెట‌ప్‌లో ద‌ర్శ‌న‌మిచ్చారు. దాని త‌ర‌వాత పింక్‌లోనే.